പാരീസിൽ പൊതുമദ്ധ്യേ അക്രമിയുടെ കുത്തേറ്റ് ഒരാൾ മരിച്ചതായി റിപ്പോർട്ടുകൾ. രാതിയിൽ വിനോദങ്ങളുടെ പ്രധാനകേന്ദ്രമായ സെന്റൽ പാരീസിലാണ് ഇത്തരത്തിലൊരു സംഭവം അരങ്ങേറിയത്. അതേസമയം അക്രമിയെ പോലീസ് സംഭവസ്ഥലത്തു തന്നെ വെടിവച്ചു കൊന്നു. ആക്രമണത്തി​ന്റെ ഉത്തരവാദിത്വം ഐ.എസ്​ ഏറ്റെടുത്തിട്ടുണ്ട്​.

ശനിയാഴ്​ച പ്രാദേശിക സമയം രാത്രി 9:30 ന് സെന്റൽ പാരീസിലേക്ക് അക്രമി കത്തിയുമായി എത്തുകയായിരുന്നു. പൊലീസ്​ ഇയാളെ തടയാന്‍ ശ്രമിച്ചുവെങ്കിലും പരാജയപ്പെട്ടതിനെ തുടര്‍ന്ന്​ വെടിവെച്ച്‌​ കൊല്ലുകയായിരുന്നു.

അക്രമിയില്‍ നിന്ന്​ രക്ഷപ്പെടാന്‍ ആളുകള്‍ ഒളിച്ചിരുന്ന റസ്​റ്റോറന്‍റുകളിലേക്കും കഫേകളിലേക്കും ഇയാള്‍ കടക്കാന്‍ ശ്രമിച്ചുവെങ്കിലും ജനങ്ങള്‍ ഇൗ നീക്കത്തെ പരാജയപ്പെടുത്തി. അക്രമത്തെ അപലപിച്ച ഫ്രഞ്ച്​ പ്രസിഡന്‍റ്​ ഇമാനുവല്‍ മാക്രോണ്‍ കര്‍ശന നടപടി ഉണ്ടാവുമെന്നു അറിയിച്ചു.