മിനിമം വേതനം എന്ന ആവശ്യവുമായി ആൾ ഇന്ത്യ ഇപിഎഫ് പെൻഷനേഴ്‌സ് അസോസിയേഷൻ തിരുവനതപുരത്ത് ധർണ നടത്തി. തിരുവനതപുരം മ്യൂസിയം മുതൽ രാജ്ഭവൻ വരെയായിരുന്നു മാർച്ച്. മുൻ എംഎൽഎ വി. ശിവൻകുട്ടി ധർണ ഉദ്‌ഘാടനം ചെയ്തു. ഇപിഎഫ് പെൻഷൻകാർക്കുള്ള കേന്ദ്ര വിഹിതം 1 .6 ശതമാനത്തിൽ നിന്ന് 8.33 ശതമാനമായി വർധിപ്പിക്കുക എന്നുള്ളതായിരുന്നു സമരക്കാരുടെ ആവശ്യം. കൂടാതെ കേന്ദ്ര തൊഴിൽ മന്ത്രാലയം നീതിപാലിക്കുക, ഇപിഎഫ് , പെൻഷൻ ഡി എ പുനഃസ്ഥാപിക്കുക, എല്ലാ ഇപിഎഫ് പെൻഷനുകളും പന്ത്രണ്ട് ശതമാനം ആക്കുക തുടങ്ങി നിരവധി ആവശ്യങ്ങൾ ഇവർ ഉന്നയിച്ചു.