സാമ്പത്തിക പ്രതിസന്ധിയില്‍ നട്ടം തിരിയുന്ന സര്‍ക്കാരിന് മറ്റൊരു നാണക്കേട്. സെക്രട്ടേറിയറ്റിലെ കറന്റ് പോയതാണ് കാര്യം. വൈദ്യുതി കുടിശ്ശിക അടയ്ക്കാത്തിനെ തുടര്‍ന്ന് ഇന്നു രാവിലെയാണ് കെഎസ്ഇബി സെക്രട്ടേറിയറ്റിലെ ഫ്യൂസ് ഊരിയത്. 38,000 രൂപയാണ് വൈദ്യുതി ബോര്‍ഡിന് കുടിശ്ശികയായി നല്‍കാനുള്ളത്.

ഫ്യൂസ് ഊരിയത് സെക്രട്ടറിയറ്റിന്റെ പ്രവര്‍ത്തനത്തെ ബാധിച്ചു. ഡൈനിംഗ് ഹാള്‍ ഉള്‍പ്പെടുന്ന കെട്ടിടത്തിലെ ഫ്യൂസ് ആണ് തിങ്കളാഴ്ച രാവിലെ കെഎസ് ഇബി അധികൃതര്‍ ഊരിമാറ്റിത്.

സാധാരണ, സെക്രട്ടേറിയറ്റില്‍ കറന്റ് പോയാല്‍ അഞ്ചു മിനിട്ടിനകത്ത് വരാറാണ് പതിവ്. എന്നാല്‍ ഇന്ന് ഒരു മണിക്കൂറിനു ശേഷമാണ് കറന്റ് വന്നത്. അതു കൊണ്ട് തന്നെ കെഎസ്ഇബി പണി തന്നതാകുമെന്ന് ജീവനക്കാര്‍ പറയുന്നു. ഫയല്‍ക്കൂമ്പാരത്തിനിടയില്‍ ഫാന്‍ ഇല്ലാതെ ജീവനക്കാര്‍ നട്ടം തിരിയുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha