സംസ്ഥാനത്ത് നാളെ നടത്താനിരുന്ന എസ്ഡിപിഐ ആഹ്വാനം ചെയ്ത ഹർത്താൽ പിൻവലിച്ചതായി അറിയിച്ചു. അ​ഭി​മ​ന്യു വ​ധ​വു​മാ​യി ബ​ന്ധ​പ്പെ​ട്ട് ചോ​ദ്യം ചെ​യ്യാ​നാ​യി ക​സ്റ്റ​ഡി​യി​ലെ​ടു​ത്ത എ​സ്ഡി​പി​ഐ നേ​താ​ക്ക​ളെ വിട്ടയച്ചതിനാലാണ് ഹർത്താൽ പിൻവലിച്ചത്.

അഭിമന്യു വിഷയത്തിൽ എറണാകുളം പ്രസ്​ ക്ലബിൽ വാർത്താ സമ്മേളനത്തിനെത്തിയ എ​സ്ഡി​പി​ഐ സം​സ്ഥാ​ന പ്ര​സി​ഡ​ന്‍റ് അ​ബ്ദു​ൾ മ​ജീ​ദ് ഫൈ​സി, വൈ​സ് പ്ര​സി​ഡ​ന്‍റ് എം.​കെ. മ​നോ​ജ് കു​മാ​ർ, സം​സ്ഥാ​ന ജ​ന​റ​ൽ സെ​ക്ര​ട്ട​റി റോ​യി അ​റ​യ്ക്ക​ൽ, ജി​ല്ലാ പ്ര​സി​ഡ​ന്‍റ് വി.​കെ. ഷൗ​ക്ക​ത്ത​ലി, അ​ബ്ദു​ൾ മ​ജീ​ദി​ന്‍റെ ഡ്രൈ​വ​ർ സ​ക്കീ​ർ, ഷൗ​ക്ക​ത്ത​ലി​യു​ടെ ഡ്രൈ​വ​ർ ഷ​ഫീ​ഖ് എ​ന്നി​വ​രെ​യാ​ണ് പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്ന​ത്.

മ​ഹാ​രാ​ജാ​സ് കോ​ളേജി​ലെ എ​സ്എ​ഫ്ഐ നേ​താ​വ് അ​ഭി​മ​ന്യു വ​ധ​ക്കേ​സി​ൽ വി​ശ​ദീ​ക​ര​ണം ന​ൽ​കി​യ ശേ​ഷം തിരിച്ചിറങ്ങുമ്പോഴായിരുന്നു പോ​ലീ​സ് അറസ്റ്റ്. പോ​ലീ​സ് വാ​ഹ​ന​ത്തി​ൽ ക​യ​റാ​ൻ കൂ​ട്ടാ​ക്കാ​തി​രു​ന്ന എ​സ്ഡി​പി​ഐ ഭാ​ര​വാ​ഹി​ക​ളെ ബ​ലം​പ്ര​യോ​ഗി​ച്ചാ​ണ് ഉദ്യോഗസ്ഥർ കൊ​ണ്ടു​പോ​യ​ത്.

എസ്​.ഡി.പി.ഐ സംസ്ഥാന നേതാക്കൾക്ക്​ കൊലപാതകത്തിൽ പങ്കുണ്ടെന്ന തരത്തിൽ വാർത്തകൾ വന്നിരുന്നു. ഇതി​ന്റെ അടിസ്ഥാനത്തിൽ ചോദ്യം ചെയ്യാനായാണ്​ ഇവരെ കസ്റ്റഡിയിലെടുത്തിരിക്കുന്നത്​. അന്വേഷണ സംഘത്തലവനായ എ.സി.പി സുരേഷ്​ ബാബുവി​ന്റെ നേതൃത്വത്തിലാണ് ഇവരെ​ ചോദ്യം ചെയ്തത്. നേ​താ​ക്ക​ളെ പി​ന്നീ​ട് എ​റ​ണാ​കു​ളം സെ​ൻ​ട്ര​ൽ പോ​ലീ​സ് സ്റ്റേ​ഷ​നി​ലേ​ക്ക് മാ​റ്റി. പിന്നീട് വൈകുന്നേരം 5.15ഒാടെ ഇവരെ വിട്ടയക്കുകയായിരുന്നു.

അതേസമയം പോലീസ് വേട്ടയിൽ പ്രതിഷേധിച്ച് നാളെ സംസ്ഥാന വ്യാപകമായി കരിദിനം ആചരിക്കാൻ തീരുമാനിച്ചതായി സംസ്ഥാന നേതൃത്വം അറിയിച്ചു.