ഇന്ത്യന്‍ പ്രധാനമന്ത്രി നരേന്ദ്ര മോഡിയെ സ്തുതിച്ചതിന്റെ പേരില്‍ ഹൈക്കമാന്റിന്റെ അരുമയായ ശശി തരൂരിനെതിരെ കനത്ത നടപടി സ്വീകരിക്കുമെന്ന് മലയാളികളാരും വിശ്വസിക്കുന്നില്ല. കാരണം കോണ്‍ഗ്രസിന്റെ പാരമ്പര്യം തന്നെ. കേവലം ഒരു മോഡി സ്തുതിയുടെ പേരിലാണ് തരൂരിനെതിരെ അച്ചടക്ക നടപടി സ്വീകരിച്ചിരിക്കുന്നത്. ഇതിനെക്കാള്‍ വലിയ അപരാധങ്ങള്‍ ചെയ്തപ്പോഴും വലിയ വിവാദങ്ങള്‍ ഉണ്ടായപ്പോഴും ശശി തരൂരിന് ഒരു പോറലും ഏറ്റില്ല. ഹൈക്കമാന്റ് പോറല്‍ ഏല്‍ക്കാതെ സംരക്ഷിച്ചു എന്നു പറയുന്നതാവും ശരി.  ഇന്ത്യയിലെ സാധാരണക്കാരുടെ വിമാനയാത്രയെ കളിയാക്കിക്കൊണ്ടുള്ള കന്നുകാലി ക്ലാസ്, ഐപിഎല്‍ കോഴ വിവാദം, നെഞ്ചില്‍ കൈവച്ച് അമേരിക്കന്‍ സ്റ്റൈലിലുള്ള ദേശീയ ഗാനം, സുനന്ദയുടെ മരണം അങ്ങനെ പോകുന്നു സംഭവങ്ങള്‍. ഐപിഎല്‍ വിവാദത്തില്‍ മന്ത്രി സ്ഥാനം പോയെങ്കിലും പാര്‍ട്ടി തരൂരിനെ സംരക്ഷിച്ചു. കേരളത്തിലെ കോണ്‍ഗ്രസ് നേതാക്കളെ കടത്തിവെട്ടിയാണ് തരൂര്‍ തിരുവനന്തപുരത്തെ സ്ഥാനാര്‍ത്ഥിയായതും പിന്നീട് മന്ത്രിയായതും കോണ്‍ഗ്രസ് ദേശീയ വക്താവായതും. ഇതില്‍ കേരളത്തിലെ ഒരു നേതാവിന്റേയും സപ്പോര്‍ട്ട് തരൂരിനില്ലായിരുന്നു. എല്ലാം സോണിയ തീരുമാനിച്ചു. കോണ്‍ഗ്രസുകാര്‍ അനുസരിച്ചു. രാഹുലിനും തരൂരിനെ വലിയ ബഹുമാനമാണ്. കാര്യങ്ങള്‍ ഇങ്ങനെയിരിക്കേ ഒന്നും കാണാതെ സോണിയ തരൂരിനെതിരെ നടപടി സ്വീകരിക്കില്ല. സോണിയയുടേയും രാഹുല്‍ ഗാന്ധിയുടേയും പ്രിയ സുഹൃത്തായ ശശിതരൂരിനെതിരെ കോണ്‍ഗ്രസ് എന്തിന് നടപടി സ്വീകരിച്ചു എന്നന്വേഷിക്കുകയാണ് മലയാളി വാര്‍ത്ത.
ശശി തരൂര്‍ ബിജെപി ക്യാമ്പിലേക്ക് ശ്രദ്ധ പതിപ്പിക്കുന്നു എന്നതിലേക്കാണ് കാര്യങ്ങള്‍ പോകുന്നത്. ബിജെപിയില്‍ ചേരില്ലെങ്കിലും ബിജെപിയുടെ സഹായത്തിനായി ശശി തരൂര്‍ കാതോര്‍ക്കുകയാണ്. അതില്‍ ആദ്യം, സുനന്ദയുടെ മരണത്തില്‍ ഉണ്ടായ സംശയത്തിന്റെ പുകമറ മാറ്റണം. അത് ബിജെപി സര്‍ക്കാരിനെ സംബന്ധിച്ച് വളരെ ഈസിയാണ്. 
ഇത്രയും അറിവും ലോക പരിചയവും ഉണ്ടായിട്ടും കേരളത്തിലെ കോണ്‍ഗ്രസുകാര്‍ ശശി തരൂരിനെതിരെ എടുത്ത പല നിലപാടുകളും അദ്ദേഹത്തെ വേദനിപ്പിച്ചിട്ടുണ്ട്. അന്നൊക്കെ തരൂരിനെ താങ്ങി നിര്‍ത്തിയത് ഹൈക്കമാന്റാണ്. ആ ഹൈക്കമാന്‍ഡിന്റെ പിന്തുണ കൂടി നഷ്ടപ്പെട്ട സാഹചര്യത്തില്‍ ശശി തരൂരിന് രാഷ്ട്രീയം മടുത്തു തുടങ്ങി. ഇപ്പോള്‍ പഴയ തട്ടകമായ യു.എന്നിലേക്കാണ് നോട്ടം.
ഇപ്പോഴത്തെ യുഎന്‍ സെക്രട്ടറി ജനറലിന്റെ സ്ഥാനം അടുത്തവര്‍ഷം അവസാനിക്കും. അപ്പോള്‍ വരുന്ന ഒഴിവിലേക്ക് ശശി തരൂരിനെ ഇറക്കാനാണ് ബിജെപിയുടെ ശ്രമം. മുമ്പ് ഇതേ സ്ഥാനത്തിനു വേണ്ടി കോണ്‍ഗ്രസിന്റെ പിന്തുണയോടെ മത്സരിച്ചെങ്കിലും പരാജയപ്പെട്ടിരുന്നു. എന്നാല്‍ ആ സാഹചര്യമല്ല ഇപ്പോള്‍ ഉള്ളത്. മോഡി തരംഗത്തില്‍ ലോകത്തെങ്ങും ഇന്ത്യക്കനുകൂലമായ ഒരു നിലപാടുണ്ട്. ബിജെപിയെ സംബന്ധിച്ച് ശശി തരൂരിനെ പിന്തുണക്കുന്നതില്‍ എതിര്‍പ്പൊന്നുമില്ല. ശശി തരൂരിനോട്‌ കേരളത്തിലെ ബിജെപി നേതാക്കള്‍ക്കും എതിര്‍പ്പില്ല.  ലോകം അറിയപ്പെടുന്ന ഒരു പ്രഗത്ഭനാണ് ശശി തരൂര്‍. മാത്രവുമല്ല ശശി തരൂര്‍ മത്സര രംഗത്തേക്ക് വന്നാല്‍ എംപി സ്ഥാനം രാജിവയ്‌ക്കേണ്ടി വരും. അപ്പോള്‍ സ്വാഭാവികമായും തെരഞ്ഞെടുപ്പ് വരും. അങ്ങനെ ഒ. രാജഗോപാലിനെ ജയിപ്പിച്ചെടുക്കാന്‍ ബിജെപിക്കാവും. കേരളത്തില്‍ ഒരു അക്കൗണ്ട് തുറന്നാല്‍ പിന്നെ എല്ലാം എളുപ്പമാകുമെന്നാണ് മോഡി അടക്കമുള്ളവരുടെ കണക്കുകൂട്ടല്‍. ചുരുക്കത്തില്‍ തരൂരിനും നേട്ടം ബിജെപിക്കും നേട്ടം.
എന്തായാലും നമുക്ക് കാത്തിരിക്കാം.  അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha