കോവളത്ത് വിനോദസഞ്ചാരത്തിന് തുടക്കം കൂറിച്ച് ഊട്ടിപ്പിള്ളേര്
വിനോദസഞ്ചാരികള്ക്ക് ഏറ്റവും പ്രിയപ്പെട്ട കോവളം തീരത്ത് വിനോദസഞ്ചാരികളെ വരവേല്ക്കാനുള്ള ഒരുക്കങ്ങള് പൂര്ത്തിയായി. വിനോദസഞ്ചാരത്തിന് തുടക്കം കൂറിച്ച് ഊട്ടി രാജ്യാന്തര സ്കൂള് കുട്ടികളുടെ സംഘം കോവളത്ത് എത്തിയിട്ടുണ്ട്. സഞ്ചാരികളെ വരവേല്ക്കാന് റസ്റ്റോറന്റുകളും ഹോട്ടലുകളും മറ്റു കച്ചവടസ്ഥാപനങ്ങളും തകൃതിയില് മോടി പിടിപ്പിക്കുകയാണ്. ഈ മാസം അവസാനത്തോടെ വിദേശ സഞ്ചാരികള് എത്തുമെന്നാണ് പ്രതീക്ഷ.
നവംബര്, ഡിസംബര്, ജനുവരി മാസങ്ങളിലാണ് സഞ്ചാരികള് ഏറെയും ഇവിടേക്ക് എത്തുന്നത്. കോവളത്ത് സീസണ് ആരംഭിക്കുമ്പോഴും അവസാനിക്കുമ്പോഴും ഊട്ടിയിലെ രാജ്യാന്തര സ്കൂളായ ഹെബ്രോണ് ഇന്റര് നാഷണല് സ്കൂളിലെ വിദ്യാര്ത്ഥി സംഘം ഇവിടെ എത്തുക പതിവാണ്.
സീസണ് അറിയിച്ചുകൊണ്ട് നൂറിലേറെ വരുന്ന വിദ്യാര്ത്ഥി സംഘമാണ് കോവളം ബീച്ചിലെത്തിയത്. ഒന്നാം ക്ലാസു മുതല് പന്ത്രണ്ടാം ക്ലാസു വരെയുള്ള കുട്ടികള് ഈ സംഘത്തിലുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
