ഐഎസ്ആര്ഒ ചാരക്കേസില് സംസ്ഥാന സര്ക്കാരിന് തിരിച്ചടി, ഉദ്യോഗസ്ഥര് വീഴ്ച വരുത്തിയതായി കമ്മീഷന്
ഐഎസ്ആര്ഒ ചാരക്കേസില് സംസ്ഥാന സര്ക്കാരിന് തിരിച്ചടി. അന്വേഷണ ഉദ്യോഗസ്ഥരെ ന്യായീകരിച്ച സര്ക്കാര് നിലപാട് ദേശീയ മനുഷ്യാവകാശ കമ്മീഷന് തള്ളി. കേസന്വേഷിച്ച ഉദ്യോഗസ്ഥര് വീഴ്ച വരുത്തിയതായി കമ്മീഷന് നടത്തിയ അന്വേഷണത്തില് തെളിഞ്ഞു.
ഉദ്യോഗസ്ഥര്ക്കെതിരെ നടപടിയും നഷ്ടപരിഹാരവുമാവശൃപ്പെട്ട് നമ്പി നാരായണനാണ് കോടതിയെയും ദേശീയ മനുഷ്യാവകാശ കമ്മീഷനെയും സമീപിച്ചത്. ഉദ്യോഗസ്ഥര്ക്കെതിരെ അച്ചടക്ക നടപടിയാവശ്യമില്ലെന്ന നിലപാടിലായിരുന്നു സംസ്ഥാന സര്ക്കാര്. എന്നാല് നമ്പി നാരായണന്റെ പരാതിയില് ദേശീയ മനുഷ്യാവകാശ കമ്മിഷന് നടത്തിയ അന്വേഷണത്തിലാണ് അന്വേഷണ ഉദ്യോസ്ഥര്ക്ക് ഗുരുതരമായ വീഴ്ച പറ്റിയതായി കണ്ടെത്തിയിരിക്കുന്നത്.
അന്വേഷണ ഉദ്യോഗസ്ഥരായിരുന്ന സിബി മാത്യൂസ്, കെ.കെ. ജോഷ്വ , എസ്. വിജയന് എന്നിവര്ക്ക് കമ്മിഷന് കാരണം കാണിക്കല് നോട്ടിസയച്ചു. രണ്ടുമാസത്തിനകം മറുപടി നല്കാനാണ് ഉത്തരവ്. ചാരകേസ് കെട്ടിച്ചമച്ചതാണെന്ന് കണ്ടെത്തിയ സിബിഐ സംഘവും ഉദ്യോഗസ്ഥര്ക്കെതിരെ നടപടിക്ക് ശുപാര്ശ ചെയ്തിരുന്നു.
https://www.facebook.com/Malayalivartha
