കേരള കോണ്ഗ്രസ് പിള്ള വിഭാഗം നേതാക്കളായ സത്താറും ഷാനവാസും സുഹൃത്തുക്കളും ചേര്ന്ന് ആദിവാസി പെണ്കുട്ടികളെ പീഡിപ്പിച്ചതായി പരാതി
കേരള കോണ്ഗ്രസ് ബാലകൃഷ്ണ പിള്ള വിഭാഗം നേതാവ് സത്താറും പ്രാദേശിക നേതാവ് ഷാനവാസും സുഹൃത്തുക്കളും ചേര്ന്ന് ആദിവാസി പെണ്കുട്ടികളെ മാനഭംഗപ്പെടുത്തിയതായി പരാതി. ഒക്ടോബര് ഒന്പതിന് കോട്ടയത്ത് വച്ച് നടന്ന കേരള കോണ്ഗ്രസ് പിള്ള വിഭാഗത്തിന്റെ സുവര്ണ ജൂവലി ആഘോഷത്തിനായി അഗസ്ത്യാര്കൂടം വനമേഖല സെറ്റില്മെന്റ് കോളനിയില് നിന്നും 35 ഓളം സ്ത്രീകളേയും പെണ്കുട്ടികളേയും കോട്ടയത്തേക്ക് കൊണ്ടു പോയി.
സമ്മേളനത്തിന് ശേഷം രാത്രിയില് മടങ്ങി വരുമ്പോള് സത്താറും ഷാനവാസും മറ്റ് ചില സുഹൃത്തുക്കളും ഈ വാഹനത്തിലുണ്ടായിരുന്നു. കൊച്ചു കുട്ടികള് ഉള്പ്പെടെയുള്ളവരെ ഇവര് മദ്യം കുടിപ്പിച്ചു. വാഹനത്തിന്റെ അകത്തെ ലൈറ്റ് ഓഫ് ചെയ്യുകയും ഇരുളിന്റെ മറവില് പെണ്കുട്ടികളേയും യുവതികളേയും കയറിപ്പിടിക്കുകയും മാനഭംഗപ്പെടുത്താന് ശ്രമിക്കുകയും ചെയ്തു.
പീഡനത്തിന് ഇരയായവര് തുടര്ന്ന് നെയ്യാറ്റിന്കര പോലീസില് പരാതിപ്പെട്ടു. എന്നാല് നേതാക്കള്ക്കെതിരെ പോലീസ് നടപടി എടുക്കുന്നതില് താത്പര്യം കാണിച്ചില്ല. തുടര്ന്ന് ആദിവാസി ക്ഷേമ പ്രവര്ത്തകര് മുഖ്യമന്ത്രി അടക്കമുള്ളവര്ക്ക് പരാതി നല്കി. ഇതിനിടെ പരാതിക്കാര്ക്ക് നേതാക്കളുടെ വക ഭീഷണിയുമുണ്ടായി. പരാതി പിന്വലിക്കാനായി നിരവധി പ്രലോഭനങ്ങളും അവര് വാഗ്ദാനം ചെയ്തു.
അതേസമയം രാഷ്ട്രീയ രംഗത്തെ ശത്രുതയാണ് ഈ സംഭവത്തിന് പിന്നിലെന്നാണ് സത്താര് പ്രതികരിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
