ബന്ധു നിയമന വിവാദത്തിനു പിന്നാലെ ഹജ്ജ് കമ്മിറ്റി ഓഫീസ് നിയമനം; ഒന്നിന് പുറകെ ഒന്നായി ...

ബന്ധു നിയമന വിവാദത്തിനു പിന്നാലെ ഹജ്ജ് കമ്മിറ്റി ഓഫീസ് നിയമനം; ഒന്നിന് പുറകെ ഒന്നായി വിവാദത്തിൽ; മന്ത്രി കെ ടി ജലീൽ കുരുക്കിൽ

07 NOVEMBER 2018 12:48 PM IST

മലയാളി വാര്‍ത്ത

തൂഫാന്‍ വാരിയേഴ്‌സ് ആയി ലഹരിക്കെതിരെയുള്ള പോരാട്ടത്തില്‍ അണിചേര്‍ന്ന് കൂടുതല്‍ പ്രമുഖര്‍ : ബാഡ്ജ് സമ്മാനിച്ച് ആഭ്യന്തരമന്ത്രി

വീണ്ടും നിയമന വിവാദത്തില്‍ മന്ത്രി കെടി ജലീൽ .ചട്ടം ലംഘിച്ച് സംസ്ഥാന ഹജ്ജ് കമ്മിറ്റി ഓഫീസില്‍ നിയമനം നടത്തിയെന്നാണ് പുതിയതായി വന്നിരിക്കുന്ന ആരോപണം . എന്നാൽ ,നിയമനത്തെക്കുറിച്ച് അറിയില്ലെന്നാണ് മന്ത്രിയുടെ പ്രതികരണം. സംസ്ഥാന ഹജ്ജ് കമ്മിറ്റി ഓഫീസില്‍ നാല് ക്ലര്‍ക്കുമാരുടെ തസ്തികയാണുള്ളത്. ഈ തസ്തികകളിൽ മറ്റ് സര്‍ക്കാര്‍ വകുപ്പുകളില്‍ ജോലി ചെയ്യുന്നവരെ ഡെപ്യൂട്ടേഷനില്‍ നിയമിക്കണമെന്നാണ് ചട്ടം. എന്നാല്‍ ഇത് പാലിക്കാതെ സര്‍ക്കാര്‍ ജീവനക്കാരിയല്ലാത്ത നിലമ്പൂർ സ്വദേശിയായ വനിതയെ ക്ലാര്‍ക്കായി നിയമിച്ചതാണ് ഇപ്പോൾ വീണ്ടും വിവാദമായിരിക്കുന്നത്. രണ്ട് വര്‍ഷമായി ഇവര്‍ ജോലിയില്‍ തുടരുന്നു. ന്യൂനപക്ഷ ധനകാര്യ വികസന കോര്‍പ്പറേഷനിലെ ബന്ധുനിയമന വിവാദത്തില്‍ കുടുങ്ങിയ കെ.ടി. ജലീലിനെ വീണ്ടും പ്രതിരോധത്തിലാക്കുന്നതാണ് പുതിയ ആരോപണം. ബന്ധുവിനെ നിയമിച്ചെന്ന ആരോപണം യൂത്ത് ലീഗ് ഉയര്‍ത്തിയപ്പോള്‍ തന്നെ കോടതിയെ സമീപിക്കാന്‍ യൂത്ത് ലീഗിനെ മന്ത്രി വെല്ലുവിളിച്ചിരുന്നു. അഴിമതി നടന്നിട്ടുണ്ടെങ്കില്‍ കോടതിയില്‍ തെളിയിക്കാനായിരുന്നു മന്ത്രിയുടെ വെല്ലുവിളി. സംസ്ഥാന മൈനോരിറ്റി ഡെവലപ്മെന്റ് ഫിനാന്‍സ് കോര്‍പ്പറേഷനില്‍ യോഗ്യതയില്‍ ഇളവ് നല്‍കി മന്ത്രിയുടെ പിതൃസഹോദര പുത്രനായ കെ.ടി അദീപിനെ ജനറല്‍ മാനേജരായി നിയമിച്ചെന്നാണ് ആരോപണം. സര്‍ക്കാര്‍ തസ്തികയില്‍ മന്ത്രി നിയമിച്ച അദീബ് സ്വകാര്യ ബാങ്ക് ജീവനക്കാരനൊണെന്നുും യൂത്ത് ലീഗ് ആരോപിച്ചു.