ഇരുമുടിക്കെട്ടില്ലാതെ താന് പതിനെട്ടാംപടി കയറിയത് ചടങ്ങുകളുടെ ഭാഗമായാണെന്നും ആചാരലംഘനമല്ലെന്നും ദേവസ്വംബോര്ഡ് അംഗം കെ.പി ശങ്കര്ദാസ്, തന്ത്രിയും പന്തളംകൊട്ടാരം അംഗങ്ങളും മാത്രമേ ഇരുമുടിക്കെട്ടില്ലാതെ കയറാവൂ എന്ന് തന്ത്രി, ഇതില് ഏതാണ് സത്യം
ചിത്തിര ആട്ടവിശേഷത്തോടനുബന്ധിച്ച് ഇരുമുടിക്കെട്ടില്ലാതെ താന് പതിനെട്ടാംപടി കയറിയത് ആചാരലംഘനമല്ലെന്ന് ദേവസ്വം ബോര്ഡ് അംഗം കെ.പി ശങ്കര്ദാസ്. കഴിഞ്ഞ ദിവസം നടതുറന്നപ്പോള് പതിനെട്ടാംപടിയിലൂടെ താന് കയറിയത് ചടങ്ങുകളുടെ ഭാഗമായാണ്. നടതുറന്ന ശേഷം മേല്ശാന്തി അമ്പലം ചുറ്റി ആഴിയില് വിളക്ക് തെളിയിക്കാന് പോകാറുണ്ട്. ആ സമയം പരികര്മികളും ദേവസ്വം ബോര്ഡ് ഉദ്യോഗസ്ഥരും പ്രതിനിധികളും പങ്കെടുക്കാറുണ്ട്. അതിനാലാണ് താന് പങ്കെടുത്തതെന്നും ശങ്കര്ദാസ് വ്യക്തമാക്കി. അതേസമയം ആര്.എസ്.എസ് നേതാവ് വത്സന് തില്ലങ്കേരി പതിനെട്ടാംപടിയില് ഇരുമുടിക്കെട്ടില്ലാതെ കയറിയത് ആചാരലംഘനമാണെന്നും അതിന് പരിഹാരക്രീയ നടത്തുമെന്നും അദ്ദേഹം പറഞ്ഞിരുന്നു.
ശബരിമല യുവതീപ്രവേശനം സംബന്ധിച്ച് സുപ്രീംകോടതി ആവശ്യപ്പെട്ടാല് മാത്രമേ റിപ്പോര്ട്ട് നല്കൂ എന്നും ശങ്കര്ദാസ് പറഞ്ഞു. എന്നാല് ശങ്കര് ദാസ് നടത്തിയത് ആചാരലംഘനമാണെന്ന നിലപാടിലാണ് ആര്.എസ്.എസും ബി.ജെ.പിയും. പന്തളം കൊട്ടാരം അംഗങ്ങള്ക്കും തന്ത്രിക്കും മാത്രമേ ഇരുമുടിക്കെട്ടില്ലാതെ പതിനെട്ടാംപടി കയറാനാകൂ എന്നും മറ്റാര് കയറിയാലും ആചാരലംഘനമാണെന്നും തന്ത്രി കണ്ഠരര് രാജീവരര് വ്യക്തമാക്കി.
https://www.facebook.com/Malayalivartha
