ബി.ജെ.പി നേതാവ് കുമ്മനം രാജശേഖരന് ബാംഗ്ളൂര് ആസ്ഥാനമായി രൂപീകരിച്ച അയ്യപ്പ സേവാസമാജത്തിന് പമ്പയിലും നിലയ്ക്കലിലും അന്നദാനത്തിന് അനുമതി നല്കിയ സി.പി.എം നടപടിക്കെതിരെ പ്രതിപക്ഷനേതാവ് രമേശ് ചെന്നിത്തല രംഗത്തെത്തി
ശബരിമലയില് അക്രമവും അശാന്തിയും വാരി വിതറി സമരപരമ്പരകളില് പങ്കെടുത്ത സംഘനടക്ക് തന്നെ അന്നദാനത്തിനുളള കരാര് നല്കാന് തിരുമാനിച്ചത് ദേവസ്വം ബോര്ഡിന്റെ ഇരട്ടത്താപ്പാണെന്ന് പ്രതിപക്ഷനേതാവ് രമേശ് ചെന്നിത്തല ആരോപിച്ചു. നിലക്കലും, പമ്പയിലും അന്നദാനത്തിന് സംഘപരിവാര് അനുകൂല സംഘടനയായ അയ്യപ്പ സേവാസമാജത്തിന് കരാര് നല്കാന് തിരുമാനിച്ച ദേവസ്വം ബോര്ഡിന്റെ നടപടിയെ തുടര്ന്നാണ് പ്രതിപക്ഷനേതാവ് രംഗത്തെത്തിയത്.
ബാംഗ്ളൂര് ആസ്ഥാനമായ അയ്യപ്പ സേവാസമാജം രൂപീകരിച്ചത് ബി ജെ പി മുന് സംസ്ഥാന പ്രസിഡന്റ് കുമ്മനം രാജശേഖരന്റെ നേതൃത്വത്തിലാണ്. അയ്യപ്പ സേവാസമാജം ശബരിമലയില് സംഘപരിവാര് നടത്തിയ അക്രമാസക്തമായ സമരങ്ങളില് പങ്കെടുത്തിരുന്നെന്നും പ്രതിപക്ഷനേതാവ് ചൂണ്ടിക്കാട്ടി. സി പിഎമ്മും ബി ജെ പിയും ശബരിമല വിഷയത്തില് നടത്തിയ ഒത്തുകളിയുടെ ഒടുവിലത്തെ ഉദാഹരണമാണ് സംഘപരിവര് സംഘടനക്ക് ശബരി മലയില് അന്നദാനം നടത്താന് കരാര് നല്കിയതിലൂടെ പുറത്ത് വന്നിരിക്കുന്നതെന്നും അദ്ദേഹം ആരോപിച്ചു.
സംഘപരിവാറിന്റെ സ്വാധീനം ശബരിമലയില് നിലനിര്ത്താനുള്ള സര്ക്കാരിന്റെയും ദേവസ്വം ബോര്ഡിന്റെയും തന്ത്രമാണ് ഇതിന് പിന്നിലെന്നും ചെന്നിത്തല ആരോപിച്ചു. 2016 ല് അന്നദാനം നടത്താന് അയ്യപ്പ സമാജം ഹൈക്കോടതിയില് നിന്ന് അനുമതി നേടിയിരുന്നു. എന്നാല് ഇത്തവണ യാതൊരു അനുമതിയുമില്ലാതെയാണ് ഇവര്ക്ക് അന്നദാനം നടത്താനുള്ള കരാര് ദേവസ്വം ബോര്ഡ് നല്കിയതെന്നും രമേശ് ചെന്നിത്തല പ്രസ്താവനയില് പറഞ്ഞു.
"
https://www.facebook.com/Malayalivartha
