സംസ്ഥാനത്ത് എ.ടി.എം തകര്ത്തുള്ള മോഷണ ശ്രമങ്ങള് വര്ദ്ധിക്കുന്നു... ഇന്ന് പുലര്ച്ചെ കോതമംഗലത്ത് എ.ടി.എം തകര്ത്തെങ്കിലും പണം നഷ്ടപ്പെട്ടിട്ടില്ലെന്ന് പരിശോധനയില് കണ്ടെത്തി
സംസ്ഥാനത്ത് വീണ്ടും എടിഎം മോഷണ ശ്രമം. കോതമംഗലത്ത് എടിഎം തകര്ത്തു. എസ്ബിഐ പൈങ്ങോട്ടൂര് ശാഖ എടിഎം തകര്ത്താണ് പണം തട്ടാന് ശ്രമിച്ചത്. പരിശോധനയില് മോഷം നടന്നിട്ടില്ലെന്ന് മനസിലായതായി അധികൃതര് അറിയിത്തു. ഇന്ന് പുലര്ച്ചെ നാലേകാലോടെയാണ് പൈങ്ങോട്ടൂര് കവലക്ക് സമീപം പ്രവര്ത്തിക്കുന്ന എടിഎമ്മില് മോഷണ ശ്രമം നടന്നത്. ഹെല്മറ്റ് ധരിച്ചെത്തിയ രണ്ട് യുവാക്കള് കൗണ്ടറിന്റെ വാതില് തുറന്ന ശേഷം സിസിടിവി ക്യാമറയില് പശ തേച്ചു. കമ്പിപ്പാര ഉപയോഗിച്ച് മെഷീന് തകര്ക്കാന് ശ്രമിച്ചെങ്കിലും നടന്നില്ല. അതോടെ മോഷ്ടാക്കള് സ്ഥലം കാലിയാക്കി.
രാവിലെ പണം വിന്വലിക്കാനെത്തിയ പ്രദേശ വാസികളാണ് മെഷീന് പാതി തകര്ത്തനിലയില് കണ്ടെത്തിയത്. അവര് പൊലീസിനെ അറിയിച്ചു. മുവാറ്റുപുഴ ഡിവൈഎസ്പിയും സംഘം സ്ഥലത്തെത്തി പരിശോധന നടത്തി. ഫൊറന്സിക് വദഗ്ദ്ധര് എത്തി സംഭവ സ്ഥലത്തു നിന്നും തെളിവുകള് ശേഖരിച്ചു. നാല് മാസം മുമ്പ് കൊല്ലം കുണ്ടറയിലും എ.ടി.എം തകര്ക്കാന് ശ്രമം നടന്നിരുന്നു. മൊയ്തീന് മുക്കിലെ ഫെഡറല് ബാങ്ക് എടിഎമാണ് മോഷ്ടാക്കള് തകര്ക്കാന് ശ്രമിച്ചത്. ഇതരസംസ്ഥാന തൊഴിലാളികളെയും നാട്ടുകാരെയും കേന്ദ്രീകരിച്ചാണ് അന്വേഷണം നടത്തിയിരുന്നു. പണം അന്നും നഷ്ടപ്പെട്ടിട്ടില്ലായിരുന്നു.
കഴിഞ്ഞ ഒക്ടോബറില് തൃശൂരിലും കളമശേരിയിലും ഇതേ രീതിയില് കവര്ച്ചാ ശ്രമങ്ങള് നടന്നിരുന്നു. തൃശൂര് കിഴക്കുംപാട്ടുകരയിലുള്ള കാനാറാ ബാങ്കിന്റെ എടിഎമ്മിലാണ് കവര്ച്ചാ ശ്രമം നടന്നത്. കമ്പിപ്പാര ഉപയോഗിച്ച് കൗണ്ടര് തകര്ക്കാനായിരുന്നു മോഷ്ടാക്കളുടെ ശ്രമം.
സെപ്തംബര് 12 ന് തൃശൂര് കൊരട്ടിയിലും കൊച്ചിയിലെ തൃപ്പൂണിത്തുറയിലും എടിഎം കൗണ്ടറുകള് തകര്ത്ത് 35 ലക്ഷം രൂപ കവര്ന്നിരുന്നു. ഈ കേസില് സംസ്ഥാനത്തിനകത്തും പുറത്തുമായി അന്വേഷണം തുടരുന്നതിനിടെ ആലത്തൂരിലെ തൃപ്പാളൂരില് എസ്ബിഐ എടിഎം കുത്തിതുറന്ന് മോഷണത്തിന് ശ്രമം നടന്നു. ഈ കേസില് പ്രതികളെ പൊലീസ് അറസ്റ്റ് ചെയ്തിരുന്നു. എടിഎമ്മുകളില് മതിയായ സുരക്ഷാ സംവിധാനങ്ങളില്ലാത്തതാണ് മോഷണങ്ങള്ക്കു കാരണമെന്നു നാട്ടുകാര് ആരോപിക്കുന്നു.
കഴിഞ്ഞ നവംബര് 18ന് ഇടുക്കി മറയൂരിലും തൃശ്ശൂര് പട്ടിക്കാട് ജംഗ്ഷനിലും എടിഎം കവര്ച്ചാ ശ്രമം നടന്നിരുന്നു. രണ്ടിടത്തും എസ്ബിടിയുടെ എടിഎമ്മുകളാണ് തകര്ത്തത്. ദേശീയ പാതയില് പട്ടിക്കാട് ജംഗ്ഷനിലെ എടിഎം കൗണ്ടറിലാണ് മോഷണ ശ്രമം നടന്നത്. രാവിലെ പണമെടുക്കാന് വന്നവര് മോണിറ്റര് കുത്തിപൊളിച്ച നിലയില് കണ്ടെത്തി. അവര് വിവരം പൊലീസിനെ അറിയിക്കുകയായിരുന്നു.അന്നും പണം നഷ്ടപ്പെട്ടിട്ടില്ലായിരുന്നു. ഇടുക്കി മറയൂരിലെ ബോവിക്കടവിലുള്ള എസ്ബിഐ എടിഎമ്മിലെ കവര്ച്ചാശ്രമവും പാഴായിരുന്നു. നാട്ടിന്പുറമായതിനാല് ഇവിടെ സിസിടിവി സ്ഥാപിച്ചിട്ടില്ല.
തിരുവനന്തപുരം നഗരത്തില് കൈതമുക്കിന് സമീപവും കഴിഞ്ഞ നവംബറില് എടിഎം കവര്ച്ചാ ശ്രമം നടന്നിരുന്ന. എസ്ബിഐ എടിഎമ്മിലാണ് കവര്ച്ചാ ശ്രമം നടന്നത്. അവിടെയും പണം നഷ്ടപ്പെട്ടില്ല. എടിഎമ്മിന്റെ മുന്ഭാഗം ഇളക്കി മാറ്റിയനിലയില് സമീപമുള്ള കടക്കാരാണ് കണ്ടെത്തിയത്. അവര് പൊലീസിനെ വിവരം അറിയിക്കുകയായിരുന്നു. പണം വെയ്ക്കുന്ന ട്രേയും ഇളക്കിയിരുന്നു.
https://www.facebook.com/Malayalivartha
