വീണ്ടും കടക്കു പുറത്ത് ;ലോക്സഭാ തെരഞ്ഞെടുപ്പിന്റെ മൂന്നാം ഘട്ടത്തില് സംസ്ഥാനത്ത് മികച്ച പോളിംഗ് ; തിരഞ്ഞെടുപ്പിലെ ഉയര്ന്ന പോളിംഗിനെ കുറിച്ച് ചോദിച്ച മാധ്യമപ്രവര്ത്തകരോട് കയർത്ത് മുഖ്യമന്ത്രി പിണറായി വിജയന്
തിരഞ്ഞെടുപ്പിലെ ഉയര്ന്ന പോളിംഗിനെ കുറിച്ച് ചോദിച്ച മാദ്ധ്യപ്രവര്ത്തകരോട് കയർത്ത് മുഖ്യമന്ത്രി പിണറായി വിജയന്. കേരളത്തിലെ ഉയര്ന്ന പോളിംഗിനെ കുറിച്ച് ചോദിച്ചപ്പോഴായിരുന്നു വളരെ ദേഷ്യത്താടെ മാറി നില്ക്കങ്ങോട്ട് എന്ന് മാധ്യമങ്ങളെ നോക്കി പറഞ്ഞ് മുഖ്യമന്ത്രി നടന്നു നീങ്ങിയത്.
ബിജെപി-സിപിഎം അനുരഞ്ജന യോഗം റിപ്പോര്ട്ട് ചെയ്യാനെത്തിയ മാധ്യമ പ്രവര്ത്തകരെ യോഗം നടന്ന ഹാളില് കയറ്റിയതിനു മാസ്കറ്റ് ഹോട്ടല് അധികൃതരെ മുഖ്യമന്ത്രിയുടെ ഓഫിസ് വിളിച്ചുവരുത്തി വിശദീകരണം തേടി. യോഗഹാളിനുള്ളില് നില്ക്കുന്ന മാധ്യമപ്രവര്ത്തകരെ കണ്ട് മുഖ്യമന്ത്രി പിണറായി വിജയന് 'കടക്ക് പുറത്ത്' എന്ന് പരുഷമായി പറഞ്ഞതു വിവാദമായിരുന്നു.
ലോക്സഭാ തെരഞ്ഞെടുപ്പിന്റെ മൂന്നാം ഘട്ടത്തില് സംസ്ഥാനത്ത് മികച്ച പോളിംഗ് ആണ് രേഖപ്പെടുത്തിയത്. ഏറ്റവും ഒടുവിലത്തെ വിവരം അനുസരിച്ച് 77.68 ശതമാനം പേര് വോട്ട് രേഖപ്പെടുത്തി. എട്ട് ലോക്സഭാ മണ്ഡലങ്ങളിലാണ് 80 ശതമാനത്തിലധികം പോളിംഗ് രേഖപ്പെടുത്തിയത്. കഴിഞ്ഞ തവണ 74.04 ശതമാനം ആയിരുന്നു പോളിംഗ്. പലയിടത്തും രാത്രി വൈകിയാണ് പോളിംഗ് അവസാനിച്ചത്.
ഉയര്ന്ന പോളിങ് തങ്ങള്ക്ക് അനുകൂലമാകുമെന്ന വാദവുമായി മൂന്ന് മുന്നണികളിലെയും നേതാക്കള് രംഗത്തെത്തിയതിന് പിന്നാലെയായിരുന്നു മുഖ്യമന്ത്രിയോടുള്ള ചോദ്യം. ഇതിന് മുന്പും മുഖ്യമന്ത്രിയുടെ മാധ്യമപ്രവര്ത്തകരോടുള്ള ക്ഷോഭം വാര്ത്തകളില് ഇടം പിടിച്ചിട്ടുണ്ട്. സിപിഎം ബിജെപി നേതാക്കള് തമ്മിലുള്ള സമാധാന ചര്ച്ചയ്ക്കിടെ പിണറായി വിജയന്റെ 'കടക്ക് പുറത്ത്' എന്ന പരാമര്ശം വലിയ വിവാദമായിരുന്നു.
https://www.facebook.com/Malayalivartha
