കിളിമാനൂരിൽ ബസില് കുഴഞ്ഞുവീണ യാത്രക്കാരനെ സര്വ്വീസ് നിറുത്തിവച്ച് ആശുപത്രിയിലാക്കി കെ.എസ്.ആര്.ടി.സി
ബസില് കുഴഞ്ഞുവീണ യാത്രക്കാരനെ സര്വ്വീസ് നിറുത്തിവച്ച് ആശുപത്രിയിലാക്കി കെ.എസ്.ആര്.ടി.സി മാതൃക കാണിച്ചു. ഇന്ന് കാലത്ത് 9 നാണ് സംഭവം. ആയൂര് സ്വദേശി ഉണ്ണികൃഷ്ണ പിള്ളയാണ് (46) കൊട്ടാരക്കരയില് നിന്നും തിരുവനന്തപുരത്തേക്ക് വരികയായിരുന്ന ബസില് യാത്രാമദ്ധ്യേ കുഴഞ്ഞ് വീണത്.
ഉടന് തന്നെ ഇദ്ദേഹത്തെ അടുത്തുള്ള സ്വകാര്യ ആശുപത്രിയിലെത്തിച്ചു. യാത്രക്കാരെ മറ്റൊരു കെ.എസ്.ആര്.ടി.സി ബസില് കയറ്റിവിട്ട ഡ്രൈവര് അജികുമാറും കണ്ടക്ടര് അനുരൂപും യാത്രക്കാരന്റെ ബന്ധുക്കളെ വിവരമറിയിച്ച് അവര് വരുന്നതുവരെ ആശുപത്രിയില് കാത്തിരിക്കുകയായിരുന്നു.
https://www.facebook.com/Malayalivartha