സുപ്രീംകോടതി ചീഫ് ജസ്റ്റിസ് രഞ്ജന് ഗോഗോയിക്ക് എതിരായ പീഡനാരോപണം അന്വേഷിക്കാന് ജസ്റ്റിസ് ബോബ്ടെ അധ്യക്ഷനായ മൂന്നംഗ സമിതിയെ വെച്ചത് നിയമവിരുദ്ധമാണെന്ന് ഹരീഷ് വാസുദേവന്
സുപ്രീംകോടതി ചീഫ് ജസ്റ്റിസ് രഞ്ജന് ഗോഗോയിക്ക് എതിരായ പീഡനാരോപണം അന്വേഷിക്കാന് ജസ്റ്റിസ് ബോബ്ടെ അധ്യക്ഷനായ മൂന്നംഗ സമിതിയെ വെച്ചത് നിയമവിരുദ്ധമാണെന്ന് ഹൈക്കോടതി അഭിഭാഷകനായ ഹരീഷ് വാസുദേവന്. ഇതിന് രണ്ട് കാരണങ്ങളാണ് അദ്ദേഹം ചൂണ്ടിക്കാട്ടുന്നത്.
ജസ്റ്റിസ്.ഇന്ദു മല്ഹോത്ര അധ്യക്ഷയായ ആഭ്യന്തര പരാതി പരിഹാര കമ്മിറ്റി ആണ് സുപ്രീംകോടതിയില് ഇത്തരം പരാതി പരിശോധിക്കാന് നിയമപരമായി അധികാരമുള്ള സമിതി. ആ സമിതി ഇത് അന്വേഷിക്കാതെ, തന്നിഷ്ടപ്രകാരം ആരോപണവിധേയന് തന്നെ തന്റെ ഇഷ്ടക്കാരെ കുത്തി നിറച്ച കമ്മിറ്റിയോട് ഇത് അന്വേഷിക്കാന് പറയുന്നത് തോന്ന്യവാസമാണെന്നും ഹരീഷ് വാസുദേവന് ഫെയിസ്ബുക്കിലൂടെ ആരോപിച്ചു.
പരാതി പരിഹാര കമ്മിറ്റിയില് ഭൂരിപക്ഷം സ്ത്രീകള് വേണമെന്നും, അതിലൊരാള് പുറത്തു നിന്നുള്ള അംഗം ആയിരിക്കണമെന്നുമാണ് നിയമം അനുശാസിക്കുന്നത്. ഇത് രണ്ടും ജസ്റ്റിസ്.രഞ്ചന് ഗോഗോയ് ഉണ്ടാക്കിയ കമ്മിറ്റി ലംഘിച്ചെന്നും ഹരീഷ് വാസുദേവ് ചൂണ്ടിക്കാട്ടി. ചീഫ് ജസ്റ്റിസിനെ ആറാംതമ്പുരാന് സിനിമയിലെ കുളപ്പുള്ളി അപ്പനോടാണ് ഹരാഷ് വാസുദേവ് ഉപമിക്കുന്നത്. - താനും അപ്പന്തമ്പുരാനും സുഭദ്രയും ചേര്ന്ന ട്രസ്റ്റാണ് കാര്യങ്ങള് തീരുമാനിക്കുന്നതെന്ന ആറാം തമ്പുരാനിലെ കുളപ്പുള്ളി അപ്പന്റെ മട്ടിലാണ് ജസ്റ്റിസ്.രഞ്ചന് ഗോഗോയ് ജുഡീഷ്യറിയിലെ ജനാധിപത്യ സംവിധാനത്തെ തനിക്കായി അട്ടിമറിക്കുന്നത്. വാസ്തവത്തില് ഈ പരാതിയല്ല, അതിനുശേഷമുള്ള ചീഫ് ജസ്റ്റിസിന്റെ നടപടികളാണ് ജുഡീഷ്യറിയെ നശിപ്പിക്കുന്നതും മാനനഷ്ടപ്പെടുത്തുന്നതും.
ചീഫ് ജസ്റ്റിസിനെതിരെ മുന് ജീവനക്കാരി നല്കിയ പരാതിയല്ല പ്രശ്നം, നിയമത്തിനു മുന്നില് എല്ലാവരും സമന്മാരാണ് എന്ന തത്വമാണ് നഗ്നമായി ലംഘിക്കപ്പെടുന്നത്. ഇതിനെതിരായി നട്ടെല്ലുള്ള അഭിഭാഷക സംഘടനകള് മാത്രമല്ല, ജുഡീഷ്യറിയില് നിന്ന് നാളെ നീതി പ്രതീക്ഷിക്കുന്ന എല്ലാ മനുഷ്യരും പ്രതികരിക്കേണ്ടതാണെന്നും ഹരീഷ് വാസുദേവ് പറയുന്നു. . ദി വയര്, ലീഫ് ലെറ്റ്, കാരവന്, സ്ക്രോള് ഇന് തുടങ്ങിയ ഓണ്ലൈന് പോര്ട്ടലുകളാണ് സുപ്രിംകോടതിയിലെ ഒരു മുന് ജീവനക്കാരി ചീഫ് ജസ്റ്റിസിനെതിരേ പീഡന പരാതി നല്കിയതായി റിപ്പോര്ട്ട് ചെയ്തത്. അദ്ദേഹത്തിന്റെ ഔദ്യോഗിക വസതിയില് വച്ച് തനിക്ക് മോശം അനുഭവമുണ്ടായെന്നും കാണിച്ച് 22 ജഡ്ജിമാര്ക്കാണ് ചീഫ് ജസ്റ്റിസിന്റെ ഓഫിസിലെ ജൂനിയര് കോര്ട്ട് അസിസ്റ്റന്റായ 35 കാരി പരാതി നല്കിയത്.
ചില ക്രമക്കേടുകളുടെ പേരില് പരാതിക്കാരിയെ മുമ്പ് സര്വീസില്നിന്നു പുറത്താക്കിയിരുന്നു. പരാതി മാധ്യമങ്ങള് വാര്ത്തയായി നല്കിയതിനെ തുടര്ന്ന് സുപ്രീംകോടതി വിഷയത്തില് ഇടപെടുകയായിരുന്നു. കോടതി സ്വമേധയാ കേസ് എടുത്തു. ഇരുപത് വര്ഷത്തെ ഔദ്യോഗിക ജീവിതത്തില് കറപുരളാത്ത തന്നെ അപമാനിക്കാന് കെട്ടിച്ചമച്ച കേസിണാതെന്ന് ചീഫ് ജസ്റ്റിസ് ആരോപിച്ചു. യാതൊരുവിധ ഒത്തുതീര്പ്പുകള്ക്കും വഴങ്ങാത്ത തന്നെ കരിവാരിത്തേക്കാനുള്ള നീക്കമാണ് നടത്തുന്നത്. തന്റെ ബാങ്ക് ബാലന്സ് വെറും ആറ് ലക്ഷം രൂപമാത്രമാണെന്നും അദ്ദേഹം പറഞ്ഞു. എന്നാല് പരാതിക്കാരി വീഡിയോ ദൃശ്യങ്ങള് അടക്കമാണ് പരാതി നല്കിയതെന്ന് ദ കാരവന് പുറത്ത് വിട്ട വാര്ത്തയില് പറയുന്നു. സ്ത്രീകള്ക്കെതിരായ ലൈംഗിക പീഡനപരാതി ഉയര്ന്നാല് കേസ് എടുക്കണമെന്നാണ് നിയമം എന്നാല് ചീഫ് ജസ്റ്റിസിനെതിരെ പരാതി ഉയര്ന്നപ്പോള് അതുണ്ടായില്ല എന്നതാണ് വിവാദം.
https://www.facebook.com/Malayalivartha
