സംസ്ഥാന മുഖ്യ തെരഞ്ഞെടുപ്പ് ഓഫീസര് ടിക്കാറാം മീണയുടെ വെളിപ്പെടുത്തലിനെതിരെ മാനനഷ്ടക്കേസ് നല്കുമെന്ന് ശ്രീധരന്പിള്ള
വിവാദപരാമര്ശങ്ങള് നടത്തിയിട്ട് ബി.ജെ.പി സംസ്ഥാന പ്രസിഡന്റ് തന്നെ രണ്ട് തവണ വിളിച്ച് മാപ്പ് പറഞ്ഞെന്ന . മീണയെ വിളിച്ച് മാപ്പ് പറഞ്ഞിട്ടില്ലെന്നും അദ്ദേഹം വ്യക്തമാക്കി. തെറ്റായ കാര്യം മാധ്യമങ്ങളിലൂടെ പറഞ്ഞതിന് മാനനഷ്ടക്കേസ് നല്കുമെന്നും പിള്ള പറഞ്ഞു. ഇതോടെ ബി.ജെ.പിയും തെരഞ്ഞെടുപ്പ് കമ്മീഷനും തമ്മിലുള്ള പോര് കോടതി കയറുകയാണ്. തൃശൂരിലെ ബി.ജെ.പി സ്ഥാനാര്ത്ഥി സുരേഷ്ഗോപി അയ്യപ്പന്റെ പേരില് വോട്ട് പിടിച്ചെന്ന ആരോപണത്തെ തുടര്ന്ന് ജില്ലാ കളക്ടര് നോട്ടീസ് നല്കിയിരുന്നു. തുടര്ന്ന് കളക്ടറെ അപമാനിക്കുന്ന രീതിയില് ചിലര് സംസാരിച്ചിരുന്നു. അത് ശരിയല്ലെന്നും ആവര്ത്തിക്കരുതെന്നും താന് പറഞ്ഞിരുന്നതായും ശ്രീധരന്പിള്ള പറഞ്ഞു.
സംസ്ഥാന തെരഞ്ഞെടുപ്പ് കമ്മീഷന് അടക്കമുള്ള സംവിധാനങ്ങളുമായി ബി.ജെ.പി പരസ്യമായി ഏറ്റുമുട്ടലിന് തയ്യാറല്ലെന്നും തെരഞ്ഞെടുപ്പ് നന്നായി നടക്കണമെന്നുമാണ് ടിക്കാറാംമീണയോട് പറഞ്ഞത്. അതിനെ മാപ്പായി വ്യാഖ്യാനിച്ചെന്നാണ് ശ്രീധരന് പിള്ള പറയുന്നത്. ഇതുവരെ ഒരുതവണയേ മീണയേ വിളിച്ചിട്ടുള്ളൂ. അതിന് രണ്ട് തവണ വിളിച്ചെന്ന് പറയുന്നത് ശരിയല്ല. ശബരിമല സുവര്ണാവസരമാണെന്ന രീതിയില് പ്രസംഗിച്ചതിനെ ശ്രീധരന്പിള്ള ന്യായീകരിക്കുകയും ചെയ്തു.
അതേസമയം, ശബരിമലയെച്ചൊല്ലിയുള്ള വിവാദപ്രസംഗത്തെയും ശ്രീധരന് പിള്ള ന്യായീകരിക്കുന്നു. ശബരിമലയെ കുറിച്ച് താന് നടത്തിയ വിവാദ പ്രസംഗം എല്ലാം ശരിയാണെന്ന് തെരഞ്ഞെടുപ്പിലെ ശക്തമായ പോളിംഗ് തെളിയിച്ചെന്നും അദ്ദേഹം പറഞ്ഞു.
പാക്കിസ്ഥാനിലെ ബാലാക്കോട്ടില് ആക്രമണത്തിലൂടെ ഭീകരരെ കൊലപ്പെടുത്തിയ ശേഷം ഇന്ത്യന് സൈന്യം തിരിച്ചെത്തിയപ്പോഴും രാഹുല് ഗാന്ധിയും യച്ചൂരിയും പിണറായി വിജയനും മരിച്ചവരുടെ ജാതിയും മതവും വെളിപ്പെടുത്തണമെന്നാണ് ആവശ്യപ്പെട്ടതെന്നും ഇസ്ലാം ആകണമെങ്കില് ചില അടയാളമൊക്കെയുണ്ടല്ലോ. വസ്ത്രമൊക്കെ മാറ്റി നോക്കിയാലേ അറിയാന്പറ്റൂ- എന്ന് ശ്രീധരന്പിള്ള ആറ്റിങ്ങലില് പ്രസംഗിച്ചത് വിവാദമായിരുന്നു. അതിനെതിരെ ഹൈക്കോടതി നോട്ടീസ് നല്കിയിരിക്കുകയാണ്. വേനല് അവധിക്ക് ശേഷം കേസ് പരിഗണിക്കും. തിരുവനന്തപുരത്തെ പ്രമുഖ സി.പി.എം നേതാവ് വി.ശിവന്കുട്ടിയാണ് ഹര്ജി നല്കിയത്. സംഭവത്തില് പൊലീസ് ജാമ്യമില്ലാ കേസ് എടുത്തിട്ടുണ്ട്.
ശബരിമലയില് ചിത്തിര ആട്ടസമയത്ത് സംഘര്ഷം ഉണ്ടാക്കിയത് യുവമോര്ച്ച, ബി.ജെ.പി പ്രവര്ത്തകരാണെന്നും യുവമോര്ച്ച ജില്ലാ പ്രസിഡന്റിന്റെ നേതൃത്വത്തിലാണ് യുവതികളെ ഉള്പ്പെടെ തടഞ്ഞതെന്നും കോഴിക്കോട്ട് നടന്ന യുവമോര്ച്ച നേതൃയോഗത്തില് ശ്രീധരന്പിള്ള പ്രസംഗിച്ചിരുന്നു. അതിനാല് ശബരിമല ഒരു സുവര്ണാവസരമായി കാണണമെന്നും സമരത്തിന്റെ അവസാനം നമ്മളും മുഖ്യശത്രുവായ , ഇപ്പോള് ഭരണത്തിലിരിക്കുന്ന പാര്ട്ടിയും മാത്രമേ കാണൂ എന്നും ശ്രീധരന്പിള്ള പ്രസംഗിച്ചു. അതിനെതിരെ സര്ക്കാര് ജാമ്യമില്ലാ വകുപ്പ് പ്രകാരം കേസ് എടുത്തെങ്കിലും ഇതുവരെ ഒന്നും സംഭവിച്ചില്ല. അതിന് പിന്നാലെയാണ് മുസ്്ലിംവിരുദ്ധ പരാമര്ശത്തിനെതിരെ ജാമ്യമില്ലാ കേസ് എടുത്തിരിക്കുന്നത്.
https://www.facebook.com/Malayalivartha