വിശ്വാസ സംരക്ഷണത്തിനുള്ള സമരത്തെ ബിജെപി പാതിവഴിയില് ഉപേക്ഷിക്കില്ല; അഡ്വ. പിഎസ് ശ്രീധരന് പിള്ള
വിശ്വാസ സംരക്ഷണത്തിനുള്ള സമരത്തെ ബിജെപി പാതിവഴിയില് ഉപേക്ഷിക്കില്ലെന്ന് ബിജെപി സംസ്ഥാന അദ്ധ്യക്ഷന് അഡ്വ. പിഎസ് ശ്രീധരന് പിള്ള. വിശ്വാസികള്ക്കൊപ്പം എന്നും ബിജെപി നിലകൊള്ളുമെന്നും എന്നും അദ്ദേഹം പറഞ്ഞു. തിരുവനന്തപുരം മണ്ഡലത്തിലെ പാര്ലമെന്റ് കമ്മിറ്റി നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു ശ്രീധരന്പിള്ള.
ശബരിമലയ്ക്ക് എതിരായി കൊലച്ചതി നടത്തിയവര് രക്ഷപ്പെടില്ല. വര്ഗീയ രാഷ്ട്രീയത്തിന്റെ വിഷവിത്തായി കോണ്ഗ്രസ് മാറി. ഈ തെരഞ്ഞെടുപ്പില് ഇടത് വലത് മുന്നണികള് വഴിവിട്ട് പ്രവര്ത്തിച്ചു. മുന്പ് നടന്ന തെരഞ്ഞെടുപ്പുകളെ അപേക്ഷിച്ച് ഇക്കുറി കേരളത്തില് ബിജെപിക്ക് 17 മുതല് 22 ശതമാനം വോട്ട് വിഹിതം വര്ധിക്കും. തിരുവനന്തപുരത്ത് കുമ്മനം രാജശേഖരന് വലിയ ഭൂരിപക്ഷത്തില് വിജയിക്കുമെന്നും അദ്ദേഹം പറഞ്ഞു.
ഇടവ മാസ പൂജകള്ക്കായി ശബരിമല ക്ഷേത്രനട നാളെ തുറക്കും. മണ്ഡല മകര വിളക്ക് കാലങ്ങളില് സ്ത്രീ പ്രവേശനത്തെച്ചൊല്ലി സംഘര്ഷാവസ്ഥ ഉണ്ടായെങ്കിലും പിന്നീട് വിഷുവിന് ഉള്പ്പെടെ നട തുറന്നപ്പോള് കാര്യമായ പ്രശ്നങ്ങള് ഉണ്ടായിരുന്നില്ല. എന്നാല് ലോക്സഭാ തെരഞ്ഞെടുപ്പ് അവസാനിച്ച പാശ്ചാത്തലത്തില് സുരക്ഷ ശക്തമാക്കാന് പൊലീസും തീരുമാനിച്ചിട്ടുണ്ട്.
വീണ്ടും സ്ത്രീകളെത്തിയാല് കര്മ്മസമിതി ഉള്പ്പെടെയുള്ള സംഘടനകള് പ്രതിഷേധവുമായി രംഗത്തെത്തുമെന്നും റിപ്പോര്ട്ടുണ്ടായിരുന്നു. ചില ആക്ടിവിസ്റ്റ് സംഘടനകളും സ്ത്രീകള ശബരിമലയില് എത്തിക്കുമെന്ന് സമൂഹമാധ്യമാധ്യമങ്ങളിലൂടെ വ്യക്തമാക്കിയിരുന്നു. ഈ സാഹചര്യത്തിൽ കര്ശന സുരക്ഷയൊരുക്കാനാണ് പൊലീസ് തീരുമാനം.
https://www.facebook.com/Malayalivartha
