മേളയുടെ ഭാഗമായി കുട്ടികള് ഒരുക്കുന്ന ഹ്രസ്വ ചത്രങ്ങളുടെ ചിത്രീകരണം പുരോഗമിക്കുന്നു
തിരുവനന്തപുരം: രണ്ടാമത് കുട്ടികളുടെ അന്താരാഷ്ട്ര ചലച്ചിത്ര മേളയുടെ ഭാഗമായി കുട്ടികള് തിരക്കഥയെഴുതി സംവിധാനം ചെയ്യുന്ന ഹ്രസ്വസിനിമകളുടെ ചിത്രീകരണം അവസാനഘട്ടത്തില്. മേളയുടെ ഭാഗമായി 'സിനിമ എങ്ങനെ നിര്മിക്കാം' എന്ന വിഷയത്തില് ശില്പ്പശാല സംഘടിപ്പിച്ചിരുന്നു. നാല് ദിവസം നീണ്ടു നിന്ന ശില്പശാലയില് മികവ് കാട്ടിയ കൂട്ടുകര്ക്കാണ് സിനിമ നിര്മിക്കാന് അവസരം ലഭിച്ചത്. പ്രോജക്ട് ഡയറക്ടര് വിവേക് പിള്ളയും ടെക്കിനിക്കല് ഡയറക്ടര് അഖില്ജിത്തിന്റെയും നേതൃത്വത്തിലാണ് കുട്ടികള് സിനിമ ഒരുക്കുന്നത്. ഈ ചിത്രങ്ങള് മേളയുടെ അവസാന ദിവസം കാണികള്ക്കായി പ്രദര്ശിപ്പിക്കും.
ആഭ എ.എയും അപര്ണ്ണ പ്രഭാകറും ചേര്ന്ന് ' ഒരിടത്തൊരു ആണ്കുട്ടി' എന്ന ചിത്രവും ആര്ച്ച, അരവിന്ദ്, ശിവാനി എന്നിവര് ചേര്ന്ന് ' ഒറ്റയ്ക്കല്ല നീ', പ്രിയാ എം, അനശ്വരാ അശോക്, അഞ്ജനാ ഗൗരി ആര് എന്നിവര് മഹത്വം എന്നീ ഹ്രസ്വചിത്രങ്ങളും ഒരുക്കുന്നു. മൂന്ന് ചിത്രങ്ങളുടെയും ചിത്രീകരണം ഇന്നലെ കൈരളി തിയേറ്റര് പരിസരത്ത് നടന്നു. സംവിധാനം ,തിരക്കഥ ,അഭിനയം തുടങ്ങി സിനിമയെ സംബന്ധിക്കുന്ന എല്ലാ കാര്യങ്ങളും കൈകാര്യം ചെയ്യാന് കുട്ടികളെ പ്രാപ്തരാക്കുകയാണ് ഇതിലൂടെ ശിശുക്ഷേമ സമിതി ലക്ഷ്യമിടുന്നതെന്ന് ജനറല് സെക്രട്ടറി എസ്.പി ദീപക് പറഞ്ഞു. ശബ്ദമിശ്രണത്തിന് മാലാഖിയും , ഛായാഗ്രഹണ സഹായത്തിന് ഗൗതം , എഡിറ്റിംഗിന് സുബിന് വര്ഗീസും എന്നിവര് കുട്ടികളുടെ കൂടെ സഹായത്തിനുണ്ട്.
അരവിന്ദ് എസ്.എം, ശിവാനി രഞ്ജിത്തും ചേര്ന്ന് ' ഒരിടത്തൊരു ആണ്കുട്ടി' ക്ക് തിരക്കഥ എഴുതിയത്. രേഷ്മ, ആര്ച്ച, മധുരിമ, അരവിന്ദ്, ഇര്ഫാന്, ഗൗതം, അനശ്വര അശോക്, അഞ്ജന ഗൗരി, അദീന എ.എല്, കൃഷ്ണപ്രിയ എച്ച്, മോഹനകുമാരി, പ്രിയ എം എന്നിവരാണ് അഭിനേതാക്കള്. സംസ്ഥാന ശിശിക്ഷേമസമിതി ജനറല് സെക്രട്ടറി എസ്.പി ദീപക് എ.ജെ പ്രൊഡക്ഷന്സിന്റെ ബാനറിലാണ് ഈ സിനിമകള് നിര്മ്മിക്കുന്നത്.
https://www.facebook.com/Malayalivartha
