അന്താരാഷ്ട്ര ബാല ചലച്ചിത്ര മേളയില് ത്രിഡി വിസ്മയം: അവതാര്, അക്വാമാന്, ലൈഫ് ഓഫ് പൈ
തിരുവനന്തപുരം: മൈഡിയര് കുട്ടിച്ചാത്തന് പിന്നാലെ ലോകത്തെ ഞെട്ടിച്ച മൂന്ന് ചിത്രങ്ങള് രാജ്യാന്തര ബാല ചലച്ചിത്രമേളയില് പ്രദര്ശിപ്പിക്കുന്നു. അവതാര്, അക്വാമാന്, ലൈഫ് ഓഫ് പൈ എന്നീ ചിത്രങ്ങളാണ് വരും ദിവസങ്ങളിൽ കാണിക്കുന്നത്.
മികച്ച സംവിധാനം, ഛായാഗ്രഹണം, വിഷ്വല് എഫക്സ് എന്നിവയ്ക്ക് ഓസ്ക്കാറും ഒമ്പത് നോമിനേഷനും കിട്ടിയ ചിത്രമാണ് ജെയിംസ് കാമറൂണിന്റെ അവതാര്. സൂപ്പര്ഹീറോ സിനിമകളില് കുട്ടികള്ക്ക് പ്രിയപ്പെട്ടതാണ് അക്വാമാന്. ലോകത്ത് വമ്പന് കളക്ഷന് നേടിയ സിനിമകളുടെ പട്ടികയില് ഈ ചിത്രവുമുണ്ട്. കോമിക് പുസ്തകത്തിലെ കഥാപാത്രത്തെ ആധാരമാക്കിയാണ് അക്വാമാന് ഒരുക്കിയിരിക്കുന്നത്. പട്ടേല് എന്ന പതിനാറുകാരന്റെ അതിജീവനത്തിന്റെ കഥ പറയുന്ന ലൈ ഓഫ് പൈ ഒരു വിഷ്വല് മാജിക്കാണ്.
അവതാറും അക്വാമാനും ത്രിഡിയിലും ലൈഫ് ഓഫ് പൈ ടു ഡിയിലുമാണ് പ്രദര്ശിപ്പിക്കുക. അവതാര് നാളെ (ബുധന്) ഉച്ചയ്ക്ക് 1.30ന് വഴുതയ്ക്കാട് കലാഭവന് തിയേറ്ററില് കളിക്കും. വ്യാഴാഴ്ച രാവിലെ ഒമ്പത് മണിക്ക് കൈരളി തിയേറ്ററില് ലൈഫ് ഓഫ് പൈ പ്രദര്ശിപ്പിക്കും. വ്യാവാഴ്ച രാവിലെ ഒമ്പതിന് കലാഭവനില് അക്വാമാന്റെ പ്രത്യേക പ്രദര്ശനവും ഉണ്ടായിരിക്കും.
https://www.facebook.com/Malayalivartha
