കള്ളവോട്ട് കണ്ടെത്തിയ കാസർഗോഡ് മണ്ഡലത്തിലെ നാല് പോളിംഗ് ബൂത്തുകളിൽ ഞായറാഴ്ച റീപോളിംഗ്; വെള്ളിയാഴ്ച രാത്രി പത്ത് വരെ പരസ്യപ്രചാരണത്തിന് തെരഞ്ഞെടുപ്പ് കമ്മീഷന്റെ അനുമതി

കള്ളവോട്ട് നടന്നുവെന്ന് കണ്ടെത്തിയ കാസർഗോഡ് മണ്ഡലത്തിലെ നാല് പോളിംഗ് ബൂത്തുകളിൽ ഞായറാഴ്ച റീപോളിംഗ്. കാസർഗോഡ്, കണ്ണൂർ ജില്ലകളിലെ ബൂത്തുകളിലാണ് റീ പോളിംഗ്.കാസർഗോഡ് ജില്ലയിലെ കല്യാശേരിയിലെ 19, 69, 70 നന്പർ ബൂത്തുകളിലും കണ്ണൂർ തളിപറന്പ് പാന്പുരുത്തിയിലെ 166-ാം നന്പർ ബൂത്തിലുമാണ് റീപോളിംഗ്.
വെള്ളിയാഴ്ച രാത്രി പത്ത് വരെ പരസ്യപ്രചാരണത്തിന് തെരഞ്ഞെടുപ്പ് കമ്മീഷൻ അനുമതി നൽകി. കള്ളവോട്ട് നടന്നതിന്റെ വിഡിയോ ദൃശ്യങ്ങൾ ഉൾപ്പെടെയുള്ള പരാതികളും കലക്ടർമാരുടെ അന്വേഷണ വിവരങ്ങളും ഉൾപ്പെടെയുള്ള റിപ്പോർട്ട് മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ കമ്മീഷന് നൽകിയിരുന്നു.
https://www.facebook.com/Malayalivartha






















