ആകാംക്ഷയോടെ മലയാളികള്... ബാലഭാസ്കറിന്റെ മരണത്തില് ഒരു പിടിയും കിട്ടാതിരിക്കെ ഒരു സിബിഐ ഡയറിക്കുറിപ്പിനെ ഓര്മ്മിപ്പിച്ച് ഡമ്മിയില് ക്രൈം ബ്രാഞ്ച്; വന് വിദഗ്ധ സംഘം നടത്തിയ പരിശോധനകളിലും ടോട്ടല് കണ്ഫ്യൂഷന്
മലയാളികള് ഏറെ ആസ്വദിച്ച ചിത്രമാണ് മമ്മൂട്ടിയുടെ ഒരു സിബിഐ ഡയറിക്കുറിപ്പ്. കുറ്റം തെളിയിക്കാന് ഉപയോഗിക്കുന്ന ഡമ്മി മലയാളികളുടെ മനസില് തന്നെയുണ്ട്. വളരെ കാലങ്ങള്ക്ക് ശേഷമാണ് ആ ഡമ്മിയുടെ ഓര്മ്മ പുതുക്കി ക്രൈംബ്രാഞ്ചിന്റെ വക ഡമ്മി പുനരാവിഷ്ക്കാരം. പോലീസുകാര് പലപ്പോഴും അന്വേഷണം തെളിയിക്കാന് കഴിഞ്ഞ സംഭവം പുനരാവിഷ്ക്കരിക്കാറുണ്ടെങ്കിലും ഇത്രയേറെ ശ്രദ്ധ നേടിയത് ബാലഭാസ്കറിന്റെ ഈ കേസാണ്. ഇവിടെ ഡമ്മിയായി ഉപയോഗിച്ചത് ഇന്നോവ കാറാണ്. ആര് വണ്ടിയോടിച്ചു എന്ന തര്ക്കമാണ് അവസാനിക്കാത്തത്.
സംഗീതജ്ഞന് ബാലഭാസ്കറിന്റെയും മകള് തേജസ്വിനിയുടെയും മരണത്തിന് ഇടയാക്കിയ കാര് യാത്രയാണ് ക്രൈംബ്രാഞ്ച് പുനരാവിഷ്കരിച്ചത്. കാര് അപകടത്തില്പ്പെട്ട പള്ളിപ്പുറത്താണ് ബാലഭാസ്കര് സഞ്ചരിച്ച ഇന്നോവ കാറിന്റെ അതേ മോഡല് വാഹനം മരത്തിലേക്ക് ഇടിച്ചു കയറ്റുന്നതടക്കമുള്ള രംഗങ്ങള് പുനരാവിഷ്കരിച്ചത്. ക്രൈംബ്രാഞ്ചിനൊപ്പം ഫോറന്സിക് ലാബിലെ ശാസ്ത്രജ്ഞര്, ടൊയോട്ട കമ്പനിയുടെ എന്ജിനിയര്മാര്, മോട്ടോര് വാഹനവകുപ്പ് ഉദ്യോഗസ്ഥര് എന്നിവരുമുണ്ടായിരുന്നു.
വാഹനത്തിന്റെ സീറ്റ് ബെല്റ്റുകള് സംഘം ഫോറന്സിക് പരിശോധനയ്ക്കായി ശേഖരിച്ചു. ശാസ്ത്രീയ പരിശോധനാഫലം ഒരാഴ്ചയ്ക്കകം ലഭിക്കുമെന്ന് സംഘം അറിയിച്ചതായി ഡിവൈ.എസ്.പി ഹരികൃഷ്ണന് പറഞ്ഞു.
ഉച്ചയ്ക്ക് ഒരു മണിയോടെ ആരംഭിച്ച പരിശോധന ഒരു മണിക്കൂറോളം നീണ്ടു. അപകട സമയത്തെ കൃത്യമായ സാഹചര്യം മനസിലാക്കാനാണ് അപകടം പുനരാവിഷ്കരിച്ചത്. തൃശൂര് ഭാഗത്തുനിന്നു വന്ന ബാലഭാസ്കറിന്റെ ഇന്നോവ കാറിനു പകരം, വെള്ള നിറത്തിലുള്ള ഇന്നോവ കാര് മോട്ടോര് വെഹിക്കിള് ഇന്സ്പെക്ടര് വിനോദ് ലാലാണ് ഓടിച്ചത്. തൃശൂര് ഭാഗത്തുനിന്ന് തിരുവനന്തപുരം ഭാഗത്തേക്ക് അതിവേഗത്തില് വന്ന കാര് ഒരു കെ.എസ്.ആര്.ടി.സി ബസിനെ മറികടന്ന് ബാലഭാസ്കറിന്റെ കാറിടിച്ച മരത്തിനു തൊട്ടടുത്ത് ബ്രേക്കിട്ടു നിര്ത്തി. പിന്നീട്, വേഗത കുറച്ച്, സ്റ്റിയറിംഗിന്റെ സ്ഥാനം മാറ്റാതെ മരത്തില് മുട്ടിച്ചു.
മരത്തിലിടിച്ചാല് എത്രത്തോളം നാശനഷ്ടമുണ്ടാകും, അതിവേഗം വന്നാല് വാഹനം എതിര്വശത്തേക്കു തിരിഞ്ഞ് മരത്തിലിടിക്കാന് സാധ്യതയുണ്ടോ തുടങ്ങിയ കാര്യങ്ങളാണ് പരിശോധിച്ചത്. വിവിധ രീതികളില് ഈ പരീക്ഷണം നടത്തി. ബാലഭാസ്കറിന്റെ വാഹനം കെ.എസ്.ആര്.ടി.സി ബസിനെ മറികടന്നെത്തിയാണ് മരത്തിലിടിച്ചതെന്ന മൊഴികളുടെ അടിസ്ഥാനത്തിലായിരുന്നു പുനരാവിഷ്കാരം.അപകട സമയത്ത് ആരാണ് കാര് ഓടിച്ചിരുന്നത് എന്നതു സംബന്ധിച്ച് സ്ഥിരീകരണമായിട്ടില്ല.
പരിക്കുകളുടെ സ്വഭാവം കണക്കിലെടുക്കുമ്പോള് അര്ജുനാണ് വാഹനം ഓടിച്ചിരുന്നതെന്നാണ് അന്വേഷണ സംഘത്തിന്റെ നിലവിലെ കണ്ടെത്തല്. എന്നാല് ബാലഭാസ്കറാണ് വാഹനം ഓടിച്ചതെന്ന് അര്ജുന്റെ മൊഴിയുമുണ്ട്. അതിനാല് ശാസ്ത്രീയ തെളിവുകളിലൂടെ അടിസ്ഥാനത്തിലായിരിക്കും അന്വേഷണ സംഘം അന്തിമ തീരുമാനത്തിലെത്തുക. ഇതിനു വേണ്ടിക്കൂടിയാണ് വാഹനത്തിന്റെ സീ?റ്റ് ബെല്?റ്റുകള് ഫോറന്സിക് പരിശോധനയ്ക്ക് വിധേയമാക്കുന്നത്. ബാലഭാസ്കറിന്റെ സഹായികളായിരുന്ന പ്രകാശന് തമ്പിയും വിഷ്ണുവും തിരുവനന്തപുരം വിമാനത്താവളം വഴിയുള്ള സ്വര്ണക്കടത്തു കേസില് പ്രതികളായതോടെയാണ് വാഹനാപകടം സംബന്ധിച്ച് വീണ്ടും സംശയങ്ങളുണ്ടായത്.
https://www.facebook.com/Malayalivartha
