കാര്ഷിക വായ്പക്ക് മുടക്കം വരുത്തിയാല് ജപ്തി നേരിടണമെന്ന് മന്ത്രി വി എസ് സുനില്കുമാര്
കാര്ഷിക ആവശ്യങ്ങള്ക്ക് ബാങ്കില് നിന്നും വായ്പ എടുത്ത ശേഷം തിരിച്ചടക്കാതിരുന്നാല് ജപ്തി പോലുള്ള തുടര് നടപടികളില് സര്ക്കാര് ഇടപെടില്ലെന്നു മന്ത്രി വി എസ് സുനില്കുമാര്. എന്നാല് സര്ഫാസി നിയമ പരിധിയില് നിന്നും കൃഷിഭൂമിയെ ഒഴിവാക്കാന് സര്ക്കാര് ശ്രമിക്കുമെന്ന് അദ്ദേഹം പറഞ്ഞു.
ഈ മാസം കൂടാനിരിക്കുന്ന സംസ്ഥാനതല ബാങ്കേഴ്സ് സമിതി യോഗത്തില് വായ്പകള്ക്കു ജൂലൈ വരെ നീട്ടിയ മോറട്ടോറിയം ഡിസംബര് വരെ നീട്ടുന്ന കാര്യം ചര്ച്ച ചെയ്യും. ഇതേ ആവശ്യം റിസര്വ് ബാങ്കും അന്ന് ചര്ച്ച ചെയ്യാം എന്നറിയിച്ചു. നിയമസഭയില് സബ്മിഷനുകള്ക്കു മറുപടി പറയുകയായിരുന്നു കാര്ഷിക മന്ത്രി.
കൃഷി ഭൂമികളെ മുഴുവന് സര്ഫാസി നിയമത്തില് നിന്നും ഒഴിവാക്കി കൊണ്ടുള്ള സുപ്രീം കോടതി വിധി നിലനില്ക്കുന്നു. എന്നാല് കേരളത്തിലെ ചില ബാങ്കുകള് നെല്വയലുകളെ മാത്രമേ പരിഗണിക്കുന്നുള്ളു. ഇതില് സര്ക്കാര് ഉടന് തന്നെ നടപടി സ്വീകരിക്കുമെന്ന് മന്ത്രി വ്യക്തമാക്കി. കാര്ഷിക സ്വര്ണ വായ്പ പലപ്പോഴും അനര്ഹരായവര് തട്ടിയെടുക്കുന്നതിനാല് വായ്പ അനുവദിക്കണമെങ്കില് കൃഷി വകുപ്പിന്റെ സര്ട്ടിഫിക്കേറ്റ് ഉണ്ടാകണം എന്നത് കര്ശനമാക്കുമെന്നും മന്ത്രി അറിയിച്ചു.
L
https://www.facebook.com/Malayalivartha
