കേരള വണിക വൈശ്യ സംഘത്തിന്റെ നേതൃത്വത്തിലുള്ള കോളജുകളിലെ പ്രവേശനത്തിന് തലവരിയോ ഡൊണേഷനോ വാങ്ങാതെ എല്ലാ കോഴ്‌സ് കളിലും മെരിറ്റ് സീറ്റിലും മാനേജ്‌മെന്റ് സീറ്റിലും സര്‍ക്കാര്‍ നിശ്ചയിച്ച ഫീസ് മാത്രം വാങ്ങി പ്രവേശനത്തിന് ട്രസ്റ്റ് ഡയറക്ടര്‍ ബോര്‍ഡ് യോഗം തീരുമാനിച്ച തായി സെക്രട്ടറി കുട്ടപ്പന്‍ ചെട്ടിയാര്‍ അറിയിച്ചു. ദാരിദ്യ രേഖയ്ക്കു താഴെയുള്ള കുടുംബങ്ങളിലെ കുട്ടികള്‍ക്ക് ട്യൂഷന്‍ ഫീസ് പൂര്‍ണമായി ഒഴിവാക്കാനും കോളജുകള്‍ സ്വന്തമായിട്ടില്ലാത്ത ചെറിയ പിന്നാക്ക സമുദായങ്ങളിലെ കുട്ടികള്‍ക്ക് മാനേജ്‌മെന്റ് സീറ്റിലെ 10% സീറ്റ് നീക്കി വെക്കാനും തീരുമാനിച്ചിട്ടുണ്ടെന്ന് അദ്ദേഹം അറിയിച്ചു.

അടിമുടി മലീസ മായിരിക്കുന്ന കേരളത്തിലെ വിദ്യാഭ്യാസ രംഗത്ത് ഇതാദ്യമായാണ് ഇങ്ങെനെയൊരു വെള്ളി വെളിച്ചം കാണുന്നത്. കുട്ടികളുടെ പ്രവേശനത്തിന് കഴുത്തറപ്പന്‍ ഫീസും തലവരിയും കോഴയും മേടിക്കുന്ന വിദ്യാഭ്യാസ കച്ചവടക്കാരായ െ്രെകസ്തവ , മുസ്ലീം , ഹിന്ദു ( എന്‍ എസ് , എസ്, ബ എസ് എന്‍ ട്രസ്റ്റ്, എസ് എന്‍ ഡി പി) ഇവര്‍ക്കൊക്കെ കെ വി വി എസിന്റെ നിലപാടുകള്‍ ഒരിക്കലും ദഹിക്കില്ലെന്നുറപ്പാണ്. കോളജ് വിദ്യാസ മേഖലയില്‍ വര്‍ഷങ്ങളായി പിടിമുറുക്കിയിരിക്കുന്ന െ്രെകസ്തവ സ്ഥാപനങ്ങളുടെ ഭാഗത്ത് നിന്നായിരുന്നു ഇത്തരമൊരു മാറ്റത്തിന് തുടക്കം കുറിക്കേണ്ടിയിരുന്നത്. സര്‍ക്കാര്‍ ശമ്പളം കൊടുക്കുന്ന എയ്ഡഡ് കോളജുകളില്‍ വിദ്യാര്‍ത്ഥി പ്രവേശനത്തിന് പോലും കോഴയും തലവരിയും മേടിക്കുന്ന ഷൈലോക്കുമാര്‍ ഈ മാറ്റമൊന്ന് കണ്ണൂ തുറന്ന് കാണണം 

ഈ മേഖലയിലെ മറ്റ് വ്യാപാരികളായ എം ഇ എസ് , എന്‍ എസ് , എസ്, എസ് എന്‍ ട്രസ്റ്റ് ' എസ് എന്‍ ഡി പി ക്കാരും വണികവൈശ്യ സംഘത്തിന്റെ ആദരണീയമായ നിലപാടിനോട് യോജിക്കുമോ? തലവരിയും കോഴയും മേടിക്കാതെ സ്ഥാപനം നടത്തിക്കൊണ്ടുപോകാനാവുമെന്നതിന്റെ ഉത്തമ ഉദാഹരണമല്ലേ കെ വി വി എസിന്റെ നിലപാട്. ഈ നിലപാട് ശ്ലാഘനീയമാണ്. കേരളത്തിലെ രാഷ്ട്രീയ പാര്‍ട്ടികളുടെ നിലപാടെന്താണ്? കെ വി വി എസിന്റെ നിലപാടിനോടൊപ്പം നില്‍ക്കാന്‍ നിങ്ങള്‍ തയ്യാറാകുമോ? കേരളത്തില്‍ സ്വകാര്യ മേഖലയില്‍ 210 എയ്ഡഡ് ആര്‍ട്ട്‌സ് ആന്റ് സയന്‍സ് കോളജുകളുണ്ട്. ഇതില്‍ ബഹുഭൂരിപക്ഷവും െ്രെകസ്തവ സഭകളുടേതാണ് .

ഇതേ സഭകള്‍ സ്വാശ്രയ മേഖലയില്‍ ഒട്ടേറെ എഞ്ചിനീയറിംഗ് കോളജുകളും മറ്റ് കോഴ്‌സുകള്‍ പഠിപ്പിക്കുന്ന സ്ഥാപനങ്ങളും നടത്തുന്നുണ്ട്. അവിടങ്ങളില്ലൊം ദയാരഹിതമായ തോതിലാണ് പ്രവേശനത്തിന് തലവരിയും കോഴയും മേടിക്കുന്നത്. ന്യൂനപക്ഷാവകാശം എന്ന എലിക്കെണി വെച്ചാണ് ഈ ബ്ലേഡ് കമ്പിനിക്കാര്‍ കച്ചവടം നടത്തുന്നത്. ഈ കള്ള പണം എങ്ങോട് പോകുന്നുവെന്ന് ആര്‍ക്കുമറിയില്ല. പ്രത്യുല്പാദനപരമായ മേഖലകളിലൊന്നും ഈ പണം. വിനിയോഗിക്കുന്നുമില്ല. മെത്രാന്മാരുടേയും കുറെ വൈദികരുടേയും സുഖലോലുപതയ്ക്ക് ഈ പണം ഉപയോഗിക്കുകയാണ് പതിവ്. സ്വര്‍ഗം താണിറങ്ങി വരുന്ന പ്രാര്‍ത്ഥനകള്‍ നടത്തുന്നവര്‍ കേരള വണ്ടിക വൈശ്യ സംഘത്തിന്റെ തീരുമാനത്തോട് യോജിപ്പുണ്ടോ? കാത്തിരുന്ന് നോക്കാം.