വി​ദ്യാ​ര്‍​ഥി​നി​യു​ടെ പി​ന്നാ​ലെ ന​ട​ന്നു ന​ട​ത്തി​യ പ്ര​ണ​യാ​ഭ്യ​ര്‍​ഥ​ന​ക​ള്‍ നി​രാ​ക​രി​ച്ച​തോ​ടെ ആ​ക്ര​മ​ണത്തി​ലേ​ക്ക് ക​ട​ന്നു. ഇ​തോ​ടെ​യാ​ണ് സം​ഗ​തി പോ​ലീ​സ് പോ​ലും ഗൗ​ര​വ​ത്തി​ലെ​ടു​ത്ത​ത്. ഇ​ത്ത​രം കാ​ര്യ​ങ്ങ​ള്‍ തു​ട​ക്ക​ത്തി​ലേ അ​വ​സാ​നി​പ്പി​ക്കാ​ന്‍ പോ​ലീ​സി​ന്‍റെ ഭാ​ഗ​ത്തു നി​ന്ന് ശ​ക്ത​മാ​യ ന​ട​പ​ടി​ക​ള്‍ ഉ​ണ്ടാ​യി​ല്ലെ​ങ്കി​ല്‍ മ​റ്റൊ​രു സൗ​മ്യ​യാ​യി മാ​റാ​ന്‍ സാ​ധ്യ​ത​യു​ള്ള സം​ഭ​വ​മാ​ണി​ത്. മു​ട്ട​പ്പ​ള്ളി വേ​ലം​പ​റ​ന്പി​ല്‍ ആ​ല്‍​വി​ന്‍ വ​ര്‍​ഗീ​സ് (19) ആ​ണ് പെ​ണ്‍​കു​ട്ടി​യെ പെ​ട്രോ​ള്‍ ഒ​ഴി​ച്ചു ക​ത്തി​ക്കു​മെ​ന്ന് ഭീ​ഷ​ണി​പ്പെ​ടു​ത്തി​യ​തി​ന് അ​റ​സ്റ്റി​ലാ​യ​ത്. പ്ര​തി​യെ കാ​ഞ്ഞി​ര​പ്പ​ള്ളി കോ​ട​തി റി​മാ​ന്‍​ഡ് ചെ​യ്തു.

ഏ​റെ നാ​ളാ​യി ഒ​രു കോ​ള​ജ് വി​ദ്യാ​ര്‍​ഥി​നി​ക്കു പി​ന്നാ​ലെ ന​ട​ക്കു​ക​യാ​യി​രു​ന്നു ആ​ല്‍​വി​ന്‍ ആ​ന്‍റ​ണി. ത​നി​ക്ക് പ്രേ​മമി​ല്ലെ​ന്നു പെ​ണ്‍​കു​ട്ടി പ​റ​ഞ്ഞി​ട്ടും ഇ​യാ​ള്‍ പി​ന്‍​മാ​റി​യി​ല്ല. പെ​ണ്‍​കു​ട്ടി വ​രു​ന്ന വ​ഴി​ക്കെ​ല്ലാം കാ​ത്തു നി​ല്‍​ക്കു​ക, പി​ന്നാ​ലെ കൂ​ടി പ്രണയാഭ്യ​ര്‍​ഥ​ന ന​ട​ത്തു​ക തുടങ്ങിയ വയെല്ലാം ചെ​യ്തി​ട്ടും പെ​ണ്‍​കു​ട്ടി​ക്ക് ഒ​രു മാ​റ്റ​വു​മു​ണ്ടാ​കു​ന്നി​ല്ലെ​ന്നു ക​ണ്ട​പ്പോ​ഴാ​ണ് പീ​ഡ​ന മു​റ​ക​ള്‍ ആ​രം​ഭി​ച്ച​ത്. ക​ഞ്ചാ​വ് ല​ഹ​രി​യി​ല്‍ കോ​ള​ജി​ന്‍റെ മു​ന്നി​ല്‍ വി​ദ്യാ​ര്‍​ഥി​ക​ളു​ടെ കാ​ണ്‍​കെ പെ​ണ്‍​കു​ട്ടി​യെ ക​ഴു​ത്തി​ന് കു​ത്തി​പ്പി​ടി​ച്ച ശേ​ഷം പെ​ട്രോ​ള്‍ ഒ​ഴി​ച്ച്‌ ക​ത്തി​ച്ച്‌ കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി.

ക​ര​ഞ്ഞു​കൊ​ണ്ട് വീ​ട്ടി​ലേ​ക്ക് പോ​യ പെ​ണ്‍​കു​ട്ടി​യെ പി​ന്തു​ട​ര്‍​ന്ന യു​വാ​വ് ബ​സ് സ്റ്റാ​ന്‍​ഡി​ലി​ട്ട് വീ​ണ്ടും ഉ​പ​ദ്ര​വി​ച്ചു. നാ​ട്ടു​കാ​ര്‍ എ​ത്തി​യ​തോ​ടെ ഓ​ടി ര​ക്ഷ​പ്പെ​ട്ട യു​വാ​വ് പി​റ്റേ​ന്ന് വൈ​കു​ന്നേ​രം പെ​ണ്‍​കു​ട്ടി കോ​ള​ജി​ല്‍ നി​ന്നും മ​ട​ങ്ങി​യെ​ത്തു​ന്ന​തും കാ​ത്ത് ബ​സ് സ്റ്റോ​പ്പി​ല്‍ നി​ല്‍​ക്കു​ന്പോ​ഴാ​ണ് പോ​ലീ​സി​ന്‍റെ പി​ടി​യി​ലാ​യ​ത്. പോ​ലീ​സ് സ്റ്റേ​ഷ​നി​ല്‍ വെ​ച്ച്‌ യു​വാ​വ് പോ​ലീ​സു​കാ​ര്‍​ക്ക് നേ​രേ വെ​ല്ലു​വി​ളി മു​ഴ​ക്കു​ക​യും ആ​ക്രോ​ശി​ക്കു​ക​യും ചെ​യ്തു. ര​ണ്ടാം വ​ര്‍​ഷ ബി​രു​ദ വി​ദ്യാ​ര്‍​ഥി​നി​യേ​യാ​ണ് യു​വാ​വ് നി​ര​ന്ത​ര​മാ​യി ഉ​പ​ദ്ര​വി​ക്കു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്തി​രു​ന്ന​തെ​ന്ന് പോ​ലീ​സ് പ​റ​ഞ്ഞു. യു​വാ​വി​നെ പ്ര​ണ​യി​ച്ചി​ല്ലെ​ങ്കി​ല്‍ കൊ​ല്ലു​മെ​ന്നാ​ണ് ഭീ​ഷ​ണി മു​ഴ​ക്കി​യി​രു​ന്ന​ത്. പെ​ണ്‍​കു​ട്ടി​യു​ടെ ബ​ന്ധു​ക്ക​ളു​ടെ പ​രാ​തി​യി​ല്‍ ആ​ദ്യം യു​വാ​വി​നെ താ​ക്കീ​ത് ചെ​യ്ത് വി​ട്ടി​രു​ന്നെ​ന്ന് പോ​ലീ​സ് പ​റ​ഞ്ഞു. വീ​ണ്ടും യു​വാ​വി​ല്‍ നി​ന്നും ഉ​പ​ദ്ര​വ​മു​ണ്ടാ​യ​പ്പോ​ള്‍ പ​രാ​തി​യെ​ത്തു​ട​ര്‍​ന്ന് പോ​ലീ​സ് പി​ടി​കൂ​ടി​യി​രു​ന്നു. ഇ​തി​ന്‍റെ വി​രോ​ധ​ത്തി​ല്‍ അ​ടു​ത്ത ദി​വ​സം യു​വാ​വ് ക​ട​ന്നു​പി​ടി​ക്കു​ക​യും മു​ഖ​ത്ത​ടി​ക്കു​ക​യും ചെ​യ്തെ​ന്ന് പെ​ണ്‍​കു​ട്ടി പ​റ​യു​ന്നു.

ഭീ​തി മൂ​ലം ഇ​ക്കാ​ര്യം പെ​ണ്‍​കു​ട്ടി വീ​ട്ടി​ല​റി​യി​ച്ചി​രു​ന്നി​ല്ല. ക​ഴി​ഞ്ഞ ദി​വ​സ​മാ​ണ് യു​വാ​വ് കോ​ള​ജി​ലും ബ​സ് സ്റ്റാ​ന്‍​ഡി​ലും വെ​ച്ച്‌ വീ​ണ്ടും ഉ​പ​ദ്ര​വി​ച്ച​ത്. ഇ​തേ​ത്തുട​ര്‍​ന്ന് പെ​ണ്‍​കു​ട്ടി​യു​മാ​യി ബ​ന്ധു​ക്ക​ള്‍ പോ​ലീ​സ് സ്റ്റേ​ഷ​നി​ല്‍ എ​ത്തി വീ​ണ്ടും പ​രാ​തി ന​ല്‍​കു​ക​യാ​യി​രു​ന്നു. പോ​ലീ​സ് അ​ന്വേ​ഷി​ച്ചെ​ത്തി​യ​പ്പോ​ള്‍ ഒ​ളി​വി​ല്‍ പോ​യ യു​വാ​വ് ഇ​ന്ന​ലെ വൈ​കു​ന്നേ​രം പെ​ണ്‍​കു​ട്ടി​യെ​ത്തു​ന്ന സ്ഥ​ല​ത്ത് ബ​സ് കാ​ത്ത് നി​ല്‍​ക്കു​ന്ന​ത് ക​ണ്ട് നാ​ട്ടു​കാ​ര്‍ വി​വ​ര​മ​റി​യി​ക്കു​ക​യും പോ​ലീ​സെ​ത്തി പി​ടി​കൂ​ടു​ക​യു​മാ​യി​രു​ന്നു. സ്റ്റേ​ഷ​ന്‍ ഹൗ​സ് ഓ​ഫീ​സ​ര്‍ സി​ഐ ദി​ലീ​പ് ഖാ​ന്‍റെ നേ​തൃ​ത്വ​ത്തി​ലാ​ണ് യു​വാ​വി​നെ പി​ടി​കൂ​ടി അ​റ​സ്റ്റ് ചെ​യ്ത​ത്.