കൊല്ലം തിരുവനന്തപുരം പാതയില്‍ നവീകരണം നടക്കുന്നതിനാല്‍ ട്രെയിനുകള്‍ക്ക് താത്കാലിക നിയന്ത്രണവും സമയമാറ്റവും ഏര്‍പ്പെടുത്തി. ചെന്നൈ എഗ്മോറില്‍നിന്നു പുറപ്പെടേണ്ട ട്രെയിന്‍ നമ്ബര്‍16127 ചെന്നൈ എഗ്മോര്‍ ഗുരുവായൂര്‍ എക്‌സ്പ്രസ് തിരുവനന്തപുരത്തു താത്കാലികമായി സര്‍വീസ് അവസാനിപ്പിക്കും.
പകരം, തിരുവനന്തപുരത്തുനിന്ന് ഒരു പ്രത്യേക പാസഞ്ചര്‍ ട്രെയിന്‍ ചെന്നൈ എഗ്മോര്‍ ഗുരുവായൂര്‍ എക്‌സ്പ്രസിന്റെ ട്രെയിന്‍ നമ്ബര്‍ 16127 ഉപയോഗിച്ച് അതേ സ്‌റ്റോപ്പുകളോടെ തിരുവനന്തപുരത്തുനിന്നു ജൂണ്‍ 27, 29, 30, ജൂലൈ ഒന്ന്, രണ്ട്, നാല്, ആറ്, ഏഴ് ദിവസങ്ങളില്‍ ഗുരുവായൂരിലേക്കു സര്‍വീസ് നടത്തും.കൊച്ചുവേളി ലോക്മാന്യ തിലക് ടെര്‍മിനസ് ദ്വൈവാര സൂപ്പര്‍ഫാസ്റ്റ് എക്‌സ്പ്രസ് ഒരു മണിക്കൂര്‍ വൈകി പുറപ്പെടും.
തിരുവനന്തപുരം സെന്‍ട്രല്‍ ഹസ്രത്ത് നിസാമുദീന്‍ പ്രതിവാര സൂപ്പര്‍ഫാസ്റ്റ് എക്‌സ്പ്രസ് ട്രെയിന്‍ (നമ്ബര്‍ 22653) തിരുവനന്തപുരത്തുനിന്നു തിങ്കളാഴ്ചകളിലും ചൊവ്വാഴ്ചകളിലും രാത്രി 12.30ന് പുറപ്പെടുന്നതിനുപകരം ഒരു മണിക്കൂര്‍ 20 മിനിറ്റ് വൈകി പുലര്‍ച്ചെ 1.50നായിരിക്കും പുറപ്പെടുക.