കല്ലട ബസില് വച്ച് യാത്രക്കാരെ മര്ദിച്ച സംഭവത്തില് ബസിന്റെ പെര്മിറ്റ് റദ്ദാക്കുന്ന കാര്യത്തില് തീരുമാനം ഇന്ന്... തൃശൂര് കളക്ടറുടെ അധ്യക്ഷതയില് റോഡ് ട്രാഫിക് അതോറിറ്റിയുടെ യോഗം രാവിലെ 10 ന് ചേരും
കൊച്ചിയില് കല്ലട ബസില് വച്ച് യാത്രക്കാരെ മര്ദിച്ച സംഭവത്തിന്റെ അടിസ്ഥാനത്തില് ബസിന്റെ പെര്മിറ്റ് റദ്ദാക്കുന്ന കാര്യത്തില് തീരുമാനം ഇന്ന്. തൃശൂര് കളക്ടറുടെ അധ്യക്ഷതയില് റോഡ് ട്രാഫിക് അതോറിറ്റിയുടെ യോഗം രാവിലെ 10 ന് ചേരും. ബസുടമ സുരേഷ് കല്ലടയും യോഗത്തില് ഹാജരാകും. ഏപ്രില് 21 നാണ് തിരുവനന്തപുരത്ത് നിന്ന് ബെംഗളൂരുവിലേക്ക് പുറപ്പെട്ട ബസിലെ യാത്രക്കാരെ കല്ലട ബസിലെ ജീവനക്കാര് മര്ദിച്ചത്.
സംഭവം വിവാദമായതോടെ ബസിന്റെ പെര്മിറ്റ് റദ്ദാക്കാന് ഗതാഗത കമ്മീഷണര് നിര്ദേശിക്കുകയായിരുന്നു. കേസില് എറണാകുളം ആര്ടിഒ ബസ് ഉടമയെ അടക്കം വിളിച്ചു വരുത്തിയെങ്കിലും ബസ് രജിസ്റ്റര് ചെയ്തത് ഇരിങ്ങാലക്കുട ആര്ടിഒയുടെ കീഴിലായതിനാല് തുടര് നടപടികള് ഇരിങ്ങാലക്കുടയിലേക്ക് മാറ്റി. ഇരിഞ്ഞാലക്കുട ആര്ടിഒ ആണ് കേസ് റോഡ് ട്രാഫിക് അതോറിറ്റിക്ക് കൈമാറിയത്.
യോഗത്തില് ഹാജരാകാന് സമിതി അംഗങ്ങള്ക്കും കല്ലട ബസ് ഉടമ സുരേഷ് കല്ലടയ്ക്കും നോട്ടീസ് നല്കിയിട്ടുണ്ട്. ബസിന്റെ പെര്മിറ്റ് ഒരു വര്ഷത്തേക്ക് സസ്പെന്റ് ചെയ്യുന്നതടക്കമുള്ള നടപടികള്ക്കാണ് സാധ്യത.
https://www.facebook.com/Malayalivartha