കഴിഞ്ഞ വര്‍ഷത്തെ പ്രളയം നല്‍കിയ പാഠം ഉള്‍ക്കൊണ്ടുകൊണ്ട് മുന്നറിയിപ്പുകള്‍ കൃത്യസമയത്ത് നല്‍കിയും സുരക്ഷ മുന്നൊരുക്കങ്ങള്‍ സ്വീകരിച്ചും ഭരണകൂടം മികച്ച നിലയില്‍ പ്രവര്‍ത്തനക്ഷമമാണിപ്പോള്‍. എന്നാല്‍ ഈ പ്രവര്‍ത്തികളൊന്നും മുഖവിലയ്‌ക്കെടുക്കാതെ ജനത്തെ പരിഭ്രാന്തിയിലാഴ്ത്തി തെറ്റായ സന്ദേശങ്ങള്‍ സമൂഹമാദ്ധ്യമങ്ങളിലൂടെ പ്രചരിക്കുന്നുണ്ട്. വ്യാജ പ്രചരണം അറിയാതെ പോസ്റ്റുകള്‍ ഷെയര്‍ ചെയ്യുന്നവരും ഉണ്ട്. കഴിഞ്ഞ വര്‍ഷത്തെ പ്രളയ ചിത്രങ്ങളും വീഡിയോയും ഇപ്പോഴത്തേത് എന്ന തരത്തില്‍ പ്രചരിപ്പിക്കുന്നവരുമുണ്ട്. ഇത്തരത്തില്‍ സന്ദേശങ്ങള്‍ പ്രചരിപ്പിക്കരുതെന്നും ജാഗ്രത പാലിക്കണമെന്നും എറണാകുളം കളക്ടര്‍ ഔദ്യോഗിക ഫേസ്ബുക്ക് പേജിലൂടെ അഭ്യര്‍ത്ഥിക്കുന്നു.

ഫേസ്ബുക്ക് പോസ്റ്റിന്റെ പൂര്‍ണരൂപം

1. തെറ്റായ വിവരങ്ങള്‍ പ്രചരിപ്പിക്കാതിരിക്കുക. കണ്‍ഫേം ചെയ്തിട്ട് മാത്രം വിവരങ്ങള്‍ പങ്കുവെക്കുക. വിളിച്ച്‌ വെരിഫൈ ചെയ്ത വിവരങ്ങള്‍ '്ലൃശളശലറ' എന്ന് വ്യക്തമാക്കി തീയതിയും സമയവും വ്യക്തമാക്കി മാത്രം ഷെയര്‍ചെയ്യുകയോ പോസ്റ്റ് ചെയ്യുകയോ ചെയ്യുക.

2. കഴിഞ്ഞ പ്രളയകാലത്തെ ഫോട്ടോകള്‍ ഇപ്പോഴത്തേതെന്ന നിലയില്‍ ഷെയര്‍ ചെയ്ത് വരാന്‍ സാധ്യതയുള്ളതുകൊണ്ട് പരിശോധിക്കുക, ക്രോസ് ചെക്ക് ചെയ്യുക.

3. തെറ്റായ ഒരു വിവരം ജനങ്ങളുടെ ജീവനെ പ്രതികൂലമായി ബാധിക്കും. സൂക്ഷിക്കുക.

4. വൈദഗ്ദ്ധ്യമുള്ളവര്‍ മാത്രം അപകടമേഖലകളില്‍ രക്ഷാപ്രവര്‍ത്തനത്തിന് ഇറങ്ങാന്‍ പാടുള്ളു. അല്ലാത്തത് കൂടുതല്‍ അപകടം വരുത്തിവെക്കുന്നതിന് തുല്യമാകും.

5. ജാഗ്രതപാലിക്കുക. സര്‍ക്കാര്‍/അധികാരികളുടെ നിര്‍ദ്ദേശങ്ങള്‍ അനുസരിക്കുക.