ജനങ്ങളുടെ ഭയപ്പെടുത്ത വാര്ത്തകള് പ്രചരിപ്പിക്കരുത്; വ്യാജവാര്ത്തകള് പ്രചരിപ്പിക്കരുതെന്ന മുന്നറിയിപ്പുമായി കേരള പൊലീസ്
സംസ്ഥാനം പ്രളയഭീതി നേരിടുന്ന സാഹചര്യത്തില് ജനങ്ങളില് ഭീതി ജനിപ്പിക്കുന്ന വിധത്തില് വാര്ത്തകള് പ്രചരിപ്പിക്കരുതെന്ന് കേരള പൊലീസ് മുന്നറിയിപ്പ് നല്കി. നിരവധി വാര്ത്തകളാണ് ജനങ്ങളില് ഭീതി ജനിപ്പിക്കുന്ന വിധത്തില് പ്രചരിക്കുന്നത്. നാളെ കേരളത്തിലെവിടെയും വൈദ്യുതി ഉണ്ടാവില്ലെന്ന് കെ.എസ്.ഇ.ബി അറിയിച്ചു, എ.ടി.എമ്മുകളില് പണം തീരാന് പോകുന്നതിനാല് ഉടനെ പോയി പണം പിന്വലിക്കുക, പെട്രോള് പമ്പുകളില് ഇന്ധനക്ഷാമം നേരിടുന്നു അതിനാല് പരമാവധി പെട്രോളടിച്ചു വയ്ക്കുക തുടങ്ങിയ വ്യാജപ്രചാരണമാണ് സോഷ്യല് മീഡിയയിലൂടെ നടക്കുന്നത്.
എന്നാല് ഇതിനെതിരെ ശക്തമായ മുന്നറിയിപ്പുമായി പോലീസ് രംഗത്തെത്തി. വ്യാജ വാര്ത്തകള് പ്രചരിപ്പിക്കുന്നവര്ക്കെതിരെ കേസെടുക്കുമെന്ന് പൊലീസ് വ്യക്തമാക്കി. അതേസമയം പെട്രോള് ലഭ്യമല്ലാത്തതിനാല് പെട്രോള് പമ്ബുകള് അടച്ചിടുമെന്ന വ്യാജ വാര്ത്ത വ്യാജമാണെന്ന് പെട്രോള് കമ്ബനികള് അറിയിച്ചിട്ടുണ്ട്. സംസ്ഥാന സര്ക്കാരിന് കീഴിലെ വിവിധ വകുപ്പുകളും ഏജന്സികളുമെല്ലാം ഇപ്പോള് സോഷ്യല് മീഡിയയില് സജീവമാണ്. ജനജീവിതത്തെ ബാധിക്കുന്ന ചെറുതും വലുതുമായ എല്ലാ വിവരങ്ങളും ഫേസ്ബുക്ക് പേജുകളിലൂടേയും മറ്റും തത്സമയം അറിയിപ്പായി വരുന്നുമുണ്ട്. അത്തരം വാര്ത്തകള് മാത്രം വിശ്വസിക്കുകയും പ്രചരിപ്പിക്കുകയും ചെയ്യുക.
നാളെ വൈദ്യുതി ബന്ധം വിച്ഛേദിക്കുമെന്ന വ്യാജവാര്ത്ത വിശ്വസിക്കരുതെന്ന് വൈദ്യുതിമന്ത്രി എംഎം മണി വ്യക്തമാക്കി. ജനങ്ങളുടെ ഭയപ്പെടുത്ത വാര്ത്തകള് പ്രചരിപ്പിക്കരുതെന്നും അത്തരത്തിലുള്ളവര്ക്കെതിരെ കര്ശന നടപടി എടുക്കുമെന്നും കേരളാ പൊലീസ് ഫേസ്ബുക്കിലൂടെ വ്യക്തമാക്കി.
https://www.facebook.com/Malayalivartha
