കേരളത്തില് ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു....
സംസ്ഥാനത്ത് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. പത്തനംതിട്ട, ആലപ്പുഴ, ഇടുക്കി ജില്ലകളിലാണ് ഇന്ന് യെല്ലോ അലേര്ട്ട് നല്കിയിരിക്കുന്നത്. എന്നാല് തെക്കന് ജില്ലകളില് ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യത ഉണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു.
രാത്രി പെയ്ത മഴയില് തലസ്ഥാനനഗരത്തിലെ താഴ്ന്ന പ്രദേശങ്ങള് വെള്ളക്കെട്ടിലായിരുന്നു. യെല്ലോ അലേര്ട്ട് പ്രഖ്യാപിച്ച ജില്ലകളില് 64 മില്ലി മീറ്ററില് കൂടുതല് മഴ പെയ്യുമെന്നാണ് കാലാവസ്ഥ പ്രവചനം. തിരുവനന്തപുരം, കൊല്ലം, കോട്ടയം, മലപ്പുറം, കോഴിക്കോട് ജില്ലകളില് ഒറ്റപ്പെട്ട സ്ഥലങ്ങളിലും ശക്തമായ മഴയുണ്ടാകുമെന്നും മുന്നറിയിപ്പ് ഉണ്ട്.
വരും ദിവസങ്ങളില് മധ്യ ബംഗാള് ഉള്ക്കടലില് തെക്കുപടിഞ്ഞാറ് ദിശയില് മണിക്കൂറില് 45 മുതല് 55 കിലോമീറ്റര് വരെ വേഗത്തില് കാറ്റ് വീശാന് സാധ്യതയുണ്ട്.
https://www.facebook.com/Malayalivartha
