67-ാമത് നെഹ്‌റു ട്രോഫി വള്ളം കളി നാളെ പുന്നമട കായലില്‍ നടക്കും. ആഗസ്റ്റ് 10 ന് നടത്താനിരുന്ന വള്ളംകളി പ്രളയത്തെ തുടര്‍ന്ന് മാറ്റിവയ്ക്കുകയായിരുന്നു. ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കറാണ് ഇത്തവണ ആലപ്പുഴ പുന്നമടയില്‍ നടക്കുന്ന ജലോത്സവത്തിന് മുഖ്യാതിഥിയായി എത്തുന്നത്.

20 ചുണ്ടന്‍ വള്ളങ്ങള്‍ അടക്കം 83 കളി വള്ളങ്ങളാണ് ഇത്തവണ നെഹ്‌റു ട്രോഫി മത്സരത്തിനുണ്ടാകുക.നാളെ ഉച്ചയ്ക്ക് രണ്ടു മണിയ്ക്ക് ശേഷം നടക്കുന്ന ഹീറ്റ്‌സ് മത്സരങ്ങളില്‍ ജയിക്കുന്ന നാല് വള്ളങ്ങളാണ് ഫൈനലില്‍ നെഹ്‌റു ട്രോഫിക്കായി മത്സരിക്കുക.

ചാമ്പ്യന്‍സ് ബോട്ട് ലീഗ് മത്സരങ്ങളുടെ ഫൈനലിന് ശേഷമാണ് നെഹ്റ്രു ട്രോഫി ഫൈനല്‍ മത്സരം നടക്കുക. ഒമ്ബത് ക്ലബുകള്‍ പങ്കെടുക്കുന്ന 12 സിബിഎല്‍ മത്സരങ്ങള്‍ ദേശീയ, അന്തര്‍ദേശീയ ചാനലുകള്‍ സംപ്രേക്ഷണ0 ചെയ്യും. 25 ലക്ഷമാണ് സമ്മാനത്തുക. നെഹ്‌റു ട്രോഫിയ്‌ക്കൊപ്പം പ്രഥമ ചാമ്ബ്യന്‍സ് ബോട്ട് ലീഗിന് കൂടി നാളെ തുടക്കമാകും.