ഇനി ഗതാഗത നിയമങ്ങള് പാലിച്ചില്ലെങ്കില് എട്ടിന്റെ പണി; നാളെ മുതല് വാഹനപരിശോധന കര്ശനമാക്കുന്നു...
വാഹനമോടിക്കുന്നവരുടെ ശ്രദ്ധയ്ക്ക് നിയമങ്ങള് പാലിച്ചില്ലെങ്കില് നാളെ മുതല് നിങ്ങളെ കാത്തിരിക്കുന്നത് എട്ടിന്റെ പണിയാ. കര്ശന നിര്ദ്ദേശവുമായി ഗതാഗതമന്ത്രി എ.കെ.ശശീന്ദ്രന്. ഇരുചക്ര വാഹനങ്ങളുടെ പുറകില് ഇരിക്കുന്നവരും ഹെല്മെറ്റ് ധരിക്കണം. അമിതവേഗതയില് വാഹനം ഓടിച്ചാലും ഡ്രൈവിങ്ങിനിടെ മൊബൈല്ഫോണ് ഉപയോഗിക്കുന്നതും, സിഗ്നല് ശ്രദ്ധിക്കാതെ വാഹനം ഓടിക്കുകയും ,ഓവര്ടേക്കിംഗ് നടത്തിയാലും ലൈസന്സ് ഇല്ലാതെ വാഹനം ഓടിച്ചാലും 5000 രൂപയാണ് മിനിമം പിഴ.
പ്രായ പൂര്ത്തിയാവാത്ത കുട്ടികള് വാഹനം കൈകാര്യം ചെയ്താല് വാഹന ഉടമയായ രക്ഷിതാക്കള്ക്ക് 25000 രൂപ പിഴയടക്കേണ്ടി വരും. കൂടാതെ പ്രായപൂര്ത്തിയാകാത്ത കുട്ടികള് വാഹനമോടിച്ച് അപകടങ്ങളില്പ്പെട്ടാല് രക്ഷിതാക്കള്ക്കായിരിക്കും ശിക്ഷ ലഭിക്കുക.
നിര്ബന്ധിത സാമൂഹ്യസേവനവും കൗണ്സിലിംഗും ലൈസന്സ് റദ്ദ് ചെയ്യപ്പെടുന്നവര് ചെയ്യേണ്ടതായിരിക്കും. ഹെല്മറ്റോ സീറ്റ് ബെല്റ്റോ ധരിക്കാതെ വാഹനം ഓടിക്കുകയാണെങ്കില് 1000 രൂപ പിഴയടക്കേണ്ടതായി വരും. മാത്രവുമല്ല വാഹനത്തിന്റെ രജിസ്ട്രേഷനും ഒരു വര്ഷത്തേക്ക് റദ്ദാക്കപ്പെടും.
എല്ലാവര്ക്കും ധൃതിയാണ്, പക്ഷെ ചെറിയ തിടുക്കം വലിയ അപകടത്തില്പ്പെടാന് അധിക സമയം വേണ്ട അതാരും ഓര്ക്കുന്നില്ല. ഒന്നു മനസ്സുവച്ചാല് അപകടങ്ങള് നമുക്കു തന്നെ ഒഴിവാക്കാവുന്നതേയുള്ളൂ. നമ്മുടെ സുരക്ഷ മാത്രമല്ല എല്ലാവരുടെയും സുരക്ഷ നമ്മുടെ കൈകളിലാണെന്നു ഓര്ക്കുക. ഓരോ ജീവനും വിലപ്പെട്ടതാണ്. അതിനാല് നിയമങ്ങള് പാലിച്ച് വാഹനമോടിക്കാന് എല്ലാവരും ശ്രദ്ധിച്ചാല് ഒരു പരിധി വരെ അപകടങ്ങള് ഒഴിവാക്കാന് സാധിക്കും.
https://www.facebook.com/Malayalivartha
