കൂടത്തായി കേസിൽ റോജോയുടെ മൊഴിയെടുപ്പ് പൂര്‍ത്തിയായി. എല്ലാ രേഖകളും അന്വേഷണസംഘത്തിനു കൈമാറിയെന്ന് റോജോ പറഞ്ഞു. അന്വേഷണത്തില്‍ പൂര്‍ണ തൃപ്തിയുണ്ടെന്നും കൂടുതല്‍ അറസ്റ്റുണ്ടായേക്കുമെന്നും അറിയാവുന്ന കാര്യങ്ങളെല്ലാം സത്യസന്ധമായി പറഞ്ഞുവെന്നും അദ്ദേഹം പറഞ്ഞു. താനും സഹോദരിയും മക്കളും രക്ഷപ്പെട്ടത് ഭാഗ്യം കൊണ്ടു മാത്രമാണെന്നും റോജോ എടുത്ത് പറയുകയുണ്ടായി . കേസുമായി ബന്ധപ്പെട്ടു പരാതി പിന്‍വലിക്കുന്നതിന് ജോളിക്ക് സമ്മര്‍ദമുണ്ടായിരുന്നു.പരാതി പിന്‍വലിക്കില്ലെന്ന നിലപാടില്‍ ഉറച്ചുനിന്നെന്നും റോജോ വ്യക്തമാക്കി.