രോഗിയുമായി പോയ ആംബുലന്‍സിന് വഴി നല്‍കിയില്ല, സ്വകാര്യ ബസിനെതിരെ നടപടി സ്വീകരിച്ച് മോട്ടോര്‍ വാഹന വകുപ്പ്. പാലിയേക്കരയില്‍ രോഗിയുമായി പോയ ആംബുലന്‍സിന് മാര്‍ഗതടസം സൃഷ്ടിച്ച സ്വകാര്യ ബസിനെതിരെ നടപടി. മോട്ടോര്‍ വാഹന വകുപ്പ് 10,000 രൂപ പിഴ ചുമത്തി. ബസ് ഡ്രൈവര്‍ക്കെതിരെ കേസെടുക്കാനും മോട്ടോര്‍ വാഹന വകുപ്പ് ശിപാര്‍ശ ചെയ്തു. ബുധനാഴ്ച വൈകീട്ട് ആറു മണിക്കായിരുന്നു സംഭവം.
ബസ് ആംബുലന്‍സിന് മാര്‍ഗതടസം സൃഷ്ടിച്ചപ്പോള്‍ തൃശൂര്‍ എന്‍ഫോഴ്‌സ്‌മെന്റ് ആര്‍.ടി.ഒ സ്ഥലത്ത് ഉണ്ടായിരുന്നു. ഡ്രൈവറുടെ തെറ്റായ നടപടി നേരില്‍കണ്ട ആര്‍.ടി.ഒ നടപടി സ്വീകരിക്കാന്‍ നിര്‍ദേശിക്കുകയായിരുന്നു. പിറ്റേദിവസും ലൈന്‍ തെറ്റിച്ച് ഇതേ ബസ് പോകുന്നത് മോട്ടോര്‍വാഹന വകുപ്പ് ഉദ്യോഗസ്ഥരുടെ ശ്രദ്ധിയില്‍പ്പെട്ടു. ഡ്രൈവറെ റോഡ് സുരക്ഷാക്ലാസില്‍ പങ്കെടുപ്പിക്കാനും നിര്‍ദേശിച്ചിട്ടുണ്ട്.