മണ്ഡലങ്ങൾ ഇളക്കി മറിച്ച് സംസ്ഥാനത്തെ അഞ്ച് നിയമസഭാ മണ്ഡലങ്ങളിലെ ഉപതെരഞ്ഞെടുപ്പ് പ്രചാരണത്തിന്റെ കൊട്ടിക്കലാശം.. . മഞ്ചേശ്വരം , കോന്നി , അരൂർ , വട്ടിയൂർക്കാവ് , എറണാകുളം നിയമസഭാ മണ്ഡലങ്ങളിൽ ആവേശകരമായ പ്രചാരണമാണ് ഇന്ന് നടന്നത് .

കോന്നിയിൽ പെയ്ത അതിശക്തമായ മഴയ്ക്കും കൊട്ടിക്കലാശത്തിന്റെ ചൂട് കുറപ്പിക്കാനായില്ല . യു ഡി എഫ് പ്രവർത്തകരും പോലീസും തമ്മിൽ നേരിയ സംഘർഷം ഉണ്ടായെങ്കിലും നേതാക്കൾ ഇടപെട്ട് പ്രശ്നം ഒഴിവാക്കി . പരസ്യ പ്രചാരണം അവസാനിച്ചതിനുശേഷം മഞ്ചേശ്വരം മണ്ഡലത്തിലെ വോട്ടർമാർ അല്ലാത്ത മുഴുവൻ ആളുകളും മണ്ഡലം വിട്ടു പോകേണ്ടതാണെന്ന് ജില്ലാകളക്ടർ അറിയിച്ചിട്ടുണ്ട്

എന്‍ഡിഎ , എല്‍ഡിഎഫ്, യുഡിഎഫ് നേതാക്കന്മാരും അവസാന വട്ട പ്രചാരണത്തിനെത്തിയിരുന്നു .വരാനിരിക്കുന്ന തദ്ദേശ, നിയമസഭാ തിരഞ്ഞെടുപ്പുകളെ അഭിമുഖീകരിക്കാന്‍ മൂന്നു മുന്നണികള്‍ക്കും ഈ തെരഞ്ഞെടുപ്പിലെ വിജയം പ്രാധാന്യമേറിയതാണ്.

കഴിഞ്ഞ തവണ രണ്ടാം സ്ഥാനത്തെത്തിയ മഞ്ചേശ്വരത്തും വട്ടിയൂര്‍ക്കാവിലും ബിജെപി ഏറെ പ്രതീക്ഷ പുലര്‍ത്തുന്നു. കോന്നിയിലും വിജയം ഉണ്ടാകുമെന്ന പ്രതീക്ഷയാണ് നേതാക്കൾക്ക് .

സമുദായ സംഘടനകളുടെ നിലപാട് തിരഞ്ഞെടുപ്പില്‍ എങ്ങനെ പ്രതിഫലിച്ചെന്നറിയാന്‍ ഫലപ്രഖ്യാപനത്തെ കാത്തിരിക്കുകയാണ് മുന്നണികള്‍.അടുത്തകാലത്തൊന്നും കാണാത്തവിധം ജാതികേന്ദ്രീത രാഷ്ട്രീയചർച്ച മുഴുകുമ്പോഴാണ് അഞ്ച് മണ്ഡലങ്ങൾ തിങ്കളാഴ്ച പോളിംഗ് ബൂത്തിലേക്ക് നീങ്ങുന്നത്...

വിശ്വാസത്തിൽ പ്രതീക്ഷ വെച്ച ബിജെപിക്ക് എൻഎസ്എസ് നിലപാടിൽ അങ്കലാപ്പുണ്ടെങ്കിലും ഓർത്തഡോക്സ് സഭയിൽ കിട്ടിയത് അപ്രതീക്ഷിത പിന്തുണ. ന്യൂനപക്ഷ വോട്ട് ബാങ്കിലേക്കുള്ള കടന്നുകയറ്റമെന്ന കടമ്പ കടക്കാനാകുമെന്നത്ബി ജെ പി ക്ക് വൻ പ്രതീക്ഷ നൽകുന്നു. ശരിദൂരം വിട്ട് കരയോഗങ്ങൾ തോറും സമ്മേളനം വിളിച്ച് യുഡിഎഫിനായി എൻഎസ്എസ് വട്ടിയൂര്‍ക്കാവില്‍ സജീവം

ഉപതെരഞ്ഞെടുപ്പ് നടക്കുന്ന 5 മണ്ഡലങ്ങളില്‍ യുഡിഎഫ് ഏറ്റവുമധികം ജയസാധ്യത കല്‍പ്പിക്കുന്നത് എറണാകുളത്താണ് . അട്ടിമറി വിജയ പ്രതീക്ഷയുമായി എൽ ഡി എഫും ഒപ്പമുണ്ട്. അവസാന ലാപ്പിലും മുടക്കമില്ലാതെ പര്യടനവുമായി സ്ഥാനാർത്ഥികളും വിജയപ്രതീക്ഷയോടെ പോളിംഗ് ബൂത്തിലേക്ക്