മരടിലെ ഫ്ലാറ്റുകളുടെ പൊളിക്കല് നടപടി ആരംഭിച്ചു.... ഫ്ലാറ്റുകളിലെ ജനലുകളും വാതിലുകളുമാണ് പൊളിച്ചു നീക്കുന്നത്.... ഫ്ലാറ്റുകള് പൊളിക്കല് തുടങ്ങുന്നതിന്റെ മുന്നോടിയായുള്ള കെട്ടിടങ്ങളുടെ ബല പരിശോധനയും തുടങ്ങി
മരടിലെ ഫ്ളാറ്റുകളുടെ പൊളിക്കല് നടപടികള് തുടങ്ങി. സുപ്രീംകോടതി പൊളിക്കാന് ഉത്തരവിട്ട ഫ്ളാറ്റുകളിലെ ജനലുകളും വാതിലുകളുമാണ് പൊളിച്ചു നീക്കുന്നത്. ആല്ഫ സെറില്, ജെയിന് കോറല് കോവ്, ഹോളി ഫെയ്ത്ത് എച്ച്ടുഒ എന്നീ ഫ്ളാറ്റുകളിലാണു നടപടികള് ആരംഭിച്ചത്. ഫ്ളാറ്റുകള് പൊളിക്കല് തുടങ്ങുന്നതിന്റെ മുന്നോടിയായുള്ള കെട്ടിടങ്ങളുടെ ബല പരിശോധനയും തുടങ്ങി.
വാതിലുകളും ജനലുകളും മാറ്റിക്കഴിഞ്ഞാല് അകത്തെ ഭിത്തികളും പൊളിച്ചുമാറ്റുമെന്നും കോണ്ക്രീറ്റ് ഭാഗം മാത്രമാകുമ്പോഴാണ് സ്ഫോടനം നടത്തുകയെന്നും മരട് നഗരസഭാ സ്പെഷല് സെക്രട്ടറി സ്നേഹില് കുമാര് സിംഗ് വ്യക്തമാക്കി. ഫ്ളാറ്റുകള് പൊളിക്കാനായി തെരഞ്ഞെടുത്ത കന്പനികള്ക്ക് ഉടന് സെലക്ഷന് നോട്ടീസ് നല്കുമെന്നും സ്നേഹില് കുമാര് പറഞ്ഞു. പൊളിക്കല് നടപടികളുടെ വിശദമായ വിവരങ്ങള് ഉള്പ്പെടുന്ന റിപ്പോര്ട്ട് 10 ദിവസത്തിനകം അവശ്യപ്പെടും.
സുപ്രീംകോടതി ഉത്തരവു നടപ്പാക്കുന്ന ചുമതലയായതിനാല് മുനിസിപ്പല് കൗണ്സിലിന്റെ അനുമതിക്കായി കാത്തിരിക്കേണ്ടതില്ലെന്നാണ് സര്ക്കാര് തീരുമാനമെന്നും സ്പെഷല് സെക്രട്ടറി പറഞ്ഞു.രണ്ടാഴ്ചയ്ക്കകം ഒദ്യോഗികമായി കരാര് ഒപ്പുവയ്ക്കും. പൊളിക്കല് നടപടികള് ജനുവരി ഒമ്പതിന് പൂര്ത്തിയാക്കും.
"
https://www.facebook.com/Malayalivartha
