ബൈക്ക് റൈഡിങ്ങിനിടെ യുവാവ് ഗുണ്ടല്‍പേട്ടയില്‍ അപകടത്തില്‍പ്പെട്ട് മരിച്ചു. ബത്തേരി ചെതലയം കൂത്തോടിയില്‍ ദിവാകരന്റെ മകന്‍ തുഷാറാണ് (19) മരിച്ചത്. ഗുണ്ടല്‍പേട്ട ടൗണിനു സമീപം ഗോപാല്‍സ്വാമി ക്ഷേത്രത്തിലേക്കുള്ള യാത്രക്കിടെ ഊട്ടി റോഡില്‍ ഞായാറാഴ്ച ഉച്ചയോടെയാണ് അപകടം നടന്നത്. എതിരെ വന്ന കാറുമായി കൂട്ടിയിടിക്കുകയായിരുന്നു.
രാവിലെ 10ന് കല്‍പറ്റയില്‍നിന്നാണ് മുപ്പതംഗ സംഘം യാത്ര തിരിച്ചത്. തുഷാര്‍ മീനങ്ങാടിയില്‍വെച്ചാണ് സംഘത്തില്‍ ചേര്‍ന്നത്. കെ.എസ്.ആര്‍.ടി.സി ബത്തേരി ഡിപ്പോയിലെ ഡ്രൈവറാണ് ദിവാകരന്‍. മാതാവ്: ബിന്ദു. ഏക മകനാണ് തുഷാര്‍.