സംവിധായകന് ശ്രീകുമാര് മേനോനെതിരേ പരാതിയുമായി നടി മഞ്ജു വാര്യര്... തന്നെ അപായപ്പെടുത്താന് ശ്രമിക്കുന്നുണ്ടെന്നു കാട്ടി മഞ്ജു വാര്യര് ഡിജിപി ലോകനാഥ് ബെഹ്റയ്ക്കു പരാതി നല്കി, ഞെട്ടലോടെ കേരളം
സംവിധായകന് ശ്രീകുമാര് മേനോനെതിരേ പരാതിയുമായി നടി മഞ്ജു വാര്യര്. തന്നെ അപായപ്പെടുത്താന് ശ്രമിക്കുന്നുണ്ടെന്നു കാട്ടി മഞ്ജു വാര്യര് ഡിജിപി ലോകനാഥ് ബെഹ്റയ്ക്കു പരാതി നല്കി. ലോക്നാഥ് ബെഹ്റയെ നേരില് കണ്ടാണു പരാതി നല്കിയത്. ഒടിയനു ശേഷമുണ്ടായ സൈബര് ആക്രമണത്തിനു പിന്നില് ശ്രീകുമാറാണെന്നും തന്റെ ലെറ്റര് ഹെഡും രേഖകളും ശ്രീകുമാര് മേനോന് ദുരുപയോഗപ്പെടുത്തുമെന്നു ഭയമുണ്ടെന്നും മഞ്ജു പരാതിയില് ആരോപിച്ചു. തനിക്കെതിരേ ചിലര് സംഘടിതമായ ആക്രമണം നടത്തുന്നുണ്ടെന്നും മഞ്ജു പരാതിയില് ചൂണ്ടിക്കാട്ടി.
ശ്രീകുമാര് മേനോന് സംവിധാനം ചെയ്ത മോഹന്ലാല് ചിത്രം ഒടിയനെതിരായ സൈബര് ആക്രമണം മഞ്ജു വാര്യരോടുള്ള ശത്രുത കൊണ്ടാണെന്ന് ശ്രീകുമാര് മേനോന് ആരോപിച്ചിരുന്നു. മഞ്ജു വാര്യരുടെ രണ്ടാംവരവിനു നിമിത്തമായതാണു തനിക്കെതിരായ ആക്രമണത്തിനു കാരണമെന്നും ശ്രീകുമാര് കുറ്റപ്പെടുത്തി. കേരള സമൂഹത്തെ അക്ഷരാര്ത്ഥത്തില് ഈ വാര്ത്ത ഞെട്ടിച്ചിരിക്കുകയാണ്.
https://www.facebook.com/Malayalivartha
