നഷ്ടപരിഹാരം ആവശ്യപ്പെട്ട് മരടിലെ ഫഌറ്റ് നിര്‍മാതാക്കള്‍ നഷ്ടപരിഹാര സമിതിയെ സമീപിച്ചു. ഗോള്‍ഡന്‍ കായലോരം കമ്ബനിയുടെ ഉടമകളാണ് അപേക്ഷ നല്‍കിയത്. സുപ്രീം കോടതി പൊളിക്കാന്‍ നിര്‍ദ്ദേശിച്ച ഫഌറ്റ് സമുച്ഛയത്തില്‍ തങ്ങള്‍ക്കും ഫഌറ്റുകളുണ്ടെന്ന് അവകാശപ്പെട്ടാണ് നിര്‍മാതാക്കള്‍ സമിതിയെ സമീപിച്ചത്. ഫഌറ്റ് ഉടമകളുടെ നഷ്ടം നികത്തേണ്ട ഫഌറ്റ് നിര്‍മാതാക്കളാണ് നഷ്ടപരിഹാരം ആവശ്യപ്പെട്ട് അപേക്ഷനല്‍കിയിരിക്കുന്നത് എന്നതാണ് ശ്രദ്ധേയം. ആദ്യ ഘട്ടത്തില്‍ സംസ്ഥാന സര്‍ക്കാരിനോടാണ് സുപ്രീം കോടതി ഫഌറ്റ് ഉടമകളുടെ നഷ്ടം നികത്താന്‍ നിര്‍ദേശിച്ചിരിക്കുന്നത്. അതനുസരിച്ചാണ് സംസ്ഥാന സര്‍ക്കാര്‍ സമിതിയുടെ നിര്‍ദേപ്രകാരം 25 ലക്ഷം രൂപ വീതം ഓരോ ഫഌറ്റ് ഉടമകള്‍ക്കും നല്‍കുന്നത്. എന്നാല്‍ തങ്ങളുടെ മക്കള്‍ക്കും ഈ ഫഌറ്റ് സമുച്ഛയത്തില്‍ ഫഌറ്റുകളുണ്ട്. അതുകൊണ്ട് തങ്ങളുടെ നഷ്ടവും നികത്തണം എന്ന ആവശ്യവുമായാണ് നഷ്ടപരിഹാര സമിതിക്ക് മുന്‍പില്‍ രണ്ട് ഫഌറ്റ് ഉടമകള്‍ അപേക്ഷ നല്‍കിയിരിക്കുന്നത്. അവരുടെ മകനും മകള്‍ക്കും ഗോള്‍ഡന്‍ കായലോരം ഫഌറ്റ് സമുച്ഛയത്തില്‍ ഫഌറ്റുകളുണ്ടെന്നും അതില്‍ നഷ്ടം നികത്തണമെന്നുമാണ് ഇവരുടെ ആവശ്യം. സമിതി ഈ അപേക്ഷകള്‍ പരിശോധിക്കുകയാണ്. ഇത് സംബന്ധിച്ച തീരുമാനം വരും ദിവസങ്ങളില്‍ ഉണ്ടായേക്കും.