തമിഴക വെട്രി കഴകം കേരളത്തില് പ്രവര്ത്തനം ശക്തമാക്കാന് അംഗത്വ ക്യാമ്പയിന് തുടങ്ങുന്നു
വിജയ്യുടെ തമിഴക വെട്രി കഴകം കേരളത്തില് പ്രവര്ത്തനം ശക്തമാക്കുന്നതിന്റെ ഭാഗമായി അംഗത്വ ക്യാമ്പയിന് തുടങ്ങുന്നു. രാഷ്ട്രീയ സാമൂഹിക വ്യത്യാസമില്ലാതെ നാടിനും നാട്ടുകാര്ക്കും നന്മ ചെയ്യുക എന്നതാണ് കേരള ഘടകവും ലക്ഷ്യം വയ്ക്കുന്നത്.
വിജയ് ഫാന്സ് അസോസിയേഷന് നേതാക്കളും മറ്റ് പ്രമുഖ രാഷ്ട്രീയ കക്ഷികളില് നിന്ന് ടിവികെയിലെത്തിയവരുമാണ് കേരള ഘടകത്തിന്റെ പ്രവര്ത്തനങ്ങള് ഏകോപിപ്പിക്കുന്നത്. ടിവികെയുടെ ദേശീയ വക്താവ് പുകഴേന്തി, മുതിര്ന്ന നേതാക്കളും ടിവികെ ജനറല് സെക്രട്ടറിമാരുമായ പുഷ്യാനന്തന്, ആദവ് അര്ജുന്, കെ എ ചെങ്കോട്ടയന് തമിഴ്നാട് നിയമ സഭാ സ്പീക്കര് ജെസിഡി പ്രഭാകര് എന്നിവരുടെ മേല്നോട്ടത്തിലാണ് കേരള ഘടകം അംഗത്വ ക്യാമ്പയിന് ആരംഭിക്കുന്നത്.
കേരള ഘടകം നേതാക്കളായ ഡോ ബിജു രേമേശ്, കൊല്ലം അനന്തു ,തോന്നയ്ക്കല് സതീഷ് , ഡോ സുലൈമാന് ബഷീര്, വിഴിഞ്ഞം എം എ വാഹിദ്, ബീമാപളളി ഇര്ഷാദ്, ഹാജ, ഷെമീര്, സുലൈമാന് , അഡ്വ പ്രവീണ് ബാബു, വയനാട് സാബു, ഇടുക്കി ജയന്, എറണാകുളം ഹാഷിഫ്, നടന് ദേവന് എന്നിവര് സംയുക്ത പ്രസ്താവനയിലാണ് ഇക്കാര്യം വ്യക്തമാക്കിയത്.
https://www.facebook.com/Malayalivartha
