വാളയാരിൽ ദുരൂഹസാഹചര്യത്തിൽ മരിച്ച പെണ്‍കുട്ടികള്‍കളുടെ നീതിക്കുവേണ്ടിയുള്ള പ്രതിഷേധം ശക്തമാകുകയാണ്. പെൺകുട്ടികൾക്കായുള്ള പ്രതിഷേധക്കൂട്ടായ്മയില്‍ വികാരാധീനനായി നടന്‍ സാജു നവോദയ. വര്‍ഷങ്ങളായി കുട്ടികളില്ലാത്തതില്‍ വിഷമിക്കുന്നയൊരാളാണ് താനെന്നും,​ എന്നാല്‍ ഇനി എനിക്ക് കുട്ടികള്‍ വേണ്ടെന്നും അദ്ദേഹം വളരെ വികാരാധീനനായി പറഞ്ഞു.

'പത്ത് പതിനഞ്ച് വര്‍ഷമായി കുട്ടികളില്ലാത്തയാളാണ് ഞാന്‍. ഭയങ്കര വിഷമമുണ്ട്. പക്ഷേ ഇനി എനിക്ക് മക്കള്‍ വേണ്ട... അത്രയ്ക്കും വിഷമമുണ്ട്. ഞാന്‍ വ്യക്തമായ രാഷ്ട്രീയ ചിന്തയുള്ളയാളാണ്. ഒരു രാഷ്ട്രീയത്തിനോ പാര്‍ട്ടിക്കോ എതിരല്ല. പക്ഷേ ആ കുട്ടികള്‍ക്ക് നീതി കിട്ടണം. ഇതുപോലുള്ള ഒരുപാട് സംഭവങ്ങളുണ്ട്. വിരലിലെണ്ണാവുന്നത് മാത്രമേ പൊതുജനങ്ങള്‍ അറിഞ്ഞിട്ടുള്ളു. അറിയാത്ത എത്രയോ സംഭവങ്ങളുണ്ട്,​ എത്രയോ മക്കളുണ്ട്...ഇതൊക്കെ ചെയ്തവര്‍ ഒരു ആറുമാസം കഴിയുമ്ബോള്‍ വീണ്ടും പുറത്തിറങ്ങും. വീണ്ടും പിഞ്ചുകുട്ടികളുടെ നേരെയായിരിക്കും പെരുമാറുക' എന്നും വികാരാധീനനായി അദ്ദേഹം പറഞ്ഞു.

വാളയാര്‍ കേസിലെ പ്രതികളെ വെറുതെവിട്ടതിനെതിരെ സിനിമാപ്രവര്‍ത്തകരായ ഒരുകൂട്ടം യുവാക്കള്‍ നടത്തിയ നടത്തിയ തെരുവ് നാടകത്തിന് ശേഷമാണ് താരം വികാരധീനനായത്. കേസില്‍ കോടതി വിധിക്കെതിരെ അപ്പീല്‍ നല്‍കാനാണ് സര്‍ക്കാരിന്റെ തീരുമാനം.