പ്രളയം മൂലം വള്ളംകളി നടക്കാതെ പോയ വര്ഷത്തെ ഗ്രാന്റ് തുകയും ആറന്മുള വള്ളംകളിക്കു നല്കാന് തീരുമാനം
പ്രളയം മൂലം വള്ളംകളി നടക്കാതെ പോയ വര്ഷവും 10 ലക്ഷം രൂപ ഗ്രാന്റ് അനുവദിച്ച് സര്ക്കാര് ഉത്തരവായി. വീണാ ജോര്ജ് എംഎല്എയുടെ ശക്തമായ ഇടപെടലിനെ തുടര്ന്നാണ് മന്ത്രി കടകംപള്ളി സുരേന്ദ്രന് സാങ്കേതിക തടസങ്ങള് മറികടന്ന് സഹായം അനുവദിച്ചത്.
2018-ല് മഹാപ്രളയത്തെ തുടര്ന്ന് ആറന്മുളയില് ഉത്രട്ടാതി ജലമേള നടത്താന് കഴിഞ്ഞിരുന്നില്ല. പ്രളയം മൂലം പള്ളിയോടങ്ങള്ക്കും വള്ളപ്പുരകള്ക്കും കനത്ത നാശനഷ്ടവും ഉണ്ടായി. ഗ്രാന്റ് ലഭിക്കില്ലെന്ന സാഹചര്യത്തില് പള്ളിയോടസേവാ സംഘം ഭാരവാഹികള് വീണാ ജോര്ജ് എംഎല്എയെ സമീപിക്കുകയും എംഎല്എ ടൂറിസം വകുപ്പില് സമ്മര്ദ്ദം ചെലുത്തുകയുമായിരുന്നു. 2019-ലെ വള്ളംകളിക്കെത്തിയ മന്ത്രി ഗ്രാന്റ് നല്കാമെന്ന് പ്രഖ്യാപിക്കുകയും ഇപ്പോള് അനുവദിച്ച് ഉത്തരവിറക്കുകയുമായിരുന്നു.
കേന്ദ്ര സര്ക്കാര് ആറന്മുളയ്ക്ക് നിരവധി തവണ നല്കിയ സഹായ പ്രഖ്യാപനങ്ങളില് ഒരു രൂപ പോലും ഇതുവരെ കിട്ടിയിട്ടില്ല. ഇത്തരം ഒരു സാഹചര്യത്തില് ആറന്മുളയിലെ ജനങ്ങളോടും വള്ളംകളി പ്രേമികളോടും എല്ഡിഎഫ് സര്ക്കാര് കാട്ടിയ സ്നേഹത്തിനും സഹായത്തിനും വീണാ ജോര്ജ് എംഎല്എ സര്ക്കാരിനോടു നന്ദി അറിയിച്ചു.
https://www.facebook.com/Malayalivartha
