വാളയാര് കേസില് സംസ്ഥാന സര്ക്കാര് ഹൈക്കോടതിയില് അപ്പീല് നല്കി...
വാളയാര് കേസില് സംസ്ഥാന സര്ക്കാര് ഹൈക്കോടതിയില് അപ്പീല് നല്കി. പ്രാഥമിക അന്വേഷണത്തില് വീഴ്ച ഉണ്ടായിട്ടുണ്ടെന്ന് സര്ക്കാര് കോടതിയെ അറിയിച്ചു. കേസില് സാക്ഷിമൊഴികള് മജിസ്ട്രേറ്റ് രേഖപ്പെടുത്തിയിട്ടും ഉപയോഗിച്ചിട്ടില്ല. കേസില് തുടരന്വേഷണവും പുനര് വിചാരണയും അനിവാര്യമാണ്. ആദ്യമരണത്തിലും ലൈംഗിക പീഡനം ഉണ്ടായി.
എന്നാല് ആ രീതിയില് ആദ്യകേസില് അന്വേഷണം ഉണ്ടായില്ല. കൂറുമാറിയ സാക്ഷികള്ക്കെതിരെ നടപടി സ്വീകരിച്ചില്ല എന്നും അപ്പീലില് സര്ക്കാര് വ്യക്തമാക്കി. വാളയാറില് ലൈംഗിക പീഡനത്തിനിരയായ സഹോദരിമാരായ രണ്ട് പെണ്കുട്ടികളുടെ മരണം സംബന്ധിച്ച കേസിലാണ് പുനരന്വേഷണം ആവശ്യപ്പെട്ടിട്ടുള്ളത്. 52 ദിവസത്തെ ഇടവേളയിലാണ്13ഉം 10 വയസുള്ള സഹോദരിമാരെ തൂങ്ങിമരിച്ചനിലയില് കണ്ടെത്തിയത്
https://www.facebook.com/Malayalivartha