ഇരുചക്ര വാഹന യാത്രികര്‍ അപകടങ്ങളില്‍ പെടുന്നതിനുള്ള സാധ്യത ഏറെയാണ്. ഇരുചക്ര വാഹനാപകടങ്ങളില്‍ മിക്കപ്പോഴും തലയ്ക്കാണ് പരിക്കേല്‍ക്കാറുള്ളത്. മരണകാരണം ആവുന്ന പരിക്കുകളില്‍ 50 ശതമാനത്തിലധികവും ഹെഡ് ഇഞ്ച്വറി മൂലം ഉള്ളതാണ്. അതുകൊണ്ട് തന്നെ ഹെൽമറ്റ് ഉപയോഗം നിര്ബദ്ധമാക്കിയിരിക്കുകയാണ്. പിന്നിലിരിക്കുന്നവർക്കും ഹെൽമറ്റ് നിർബന്ധമാണ്. ആ സാഹചര്യത്തിലാണ് വടക്കാഞ്ചേരി സ്റ്റേഷനിലെ എസ്.ഐ ശപിച്ച് കൊണ്ട് യുവാവിന്റെ വീഡിയോ വൈറലാകുന്നത്. വീട്ടിലേക്ക് സാധനങ്ങള്‍ വാങ്ങാന്‍ കയ്യിലുണ്ടായിരുന്ന അഞ്ഞൂറ് രൂപ പൊലീസുകാര്‍ ഹെല്‍മെറ്റ് വയ്ക്കാത്തതിന്റെ പേരില്‍ ഫൈന്‍ അടപ്പിച്ചെന്ന് യുവാവിന്റെ ആരോപണം. ഫേസ്ബുക്ക് ലൈവിലൂടെയാണ് യുവാവ് ഇക്കാര്യം പറയുന്നത്. തന്റെ വാഹനത്തെ ഓവര്‍ടേക്ക് ചെയ്ത് പിടിച്ച്‌ വടക്കാഞ്ചേരി സ്റ്റേഷനിലെ എസ്.ഐയാണ് ഫൈന്‍ അടപ്പിച്ചതെന്ന് യുവാവ് പറയുന്നു. യുവാവ് പങ്കുവച്ച വീഡിയോ സോഷ്യല്‍ മീഡിയയില്‍ വൈറലാണ്. വളരെ മോശമായ രീതിയിലാണ് പൊലീസുകാര്‍ തന്നോട് പെരുമാറിയതെന്നും വീട്ടിലേക്ക് സാധനങ്ങള്‍ വാങ്ങാന്‍ കടം വാങ്ങിയ പൈസയാണ് പൊലീസുകാര്‍ ഫൈന്‍ അടപ്പിച്ചതെന്നും യുവാവ് പറയുന്നു.

ഹെൽമറ്റ് ധരിക്കാതെ വാഹനമോടിച്ചാൽ 1000 രൂപ പിഴ മാത്രമല്ല, 3 മാസത്തേക്കു ലൈസൻസ് സസ്പെൻഡ് ചെയ്യുമെന്ന നിയം പോലും വന്നു കഴിഞ്ഞു.. പിന്നിലിരിക്കുന്നവർക്കും ഹെൽമറ്റ് നിർബന്ധമാണ്. കാലാവധി കഴിഞ്ഞാലും ഒരു മാസം വരെ ഡ്രൈവിങ് ലൈസൻസ് ഉപയോഗിക്കാമെന്ന ഇളവും ഇനിയില്ല. പുതുക്കുന്നതു കാലാവധി കഴിഞ്ഞാണെങ്കിൽ 1000 രൂപ പിഴയുമുണ്ട്. കാലാവധി കഴിഞ്ഞ് 5 വർഷം വരെ പിഴയടച്ചു പുതുക്കാമായിരുന്നത് ഒരു വർഷമായി ചുരുക്കി. അതേസമയം കാലാവധി തീരുന്നതിന് ഒരു മാസം മുൻപേ ലൈസൻസ് പുതുക്കാമായിരുന്നത് ഇനി ഒരു വർഷം മുൻപേ പുതുക്കാം. പുതുക്കുന്ന ലൈസൻസിന്റെ കാലാവധി 50 വയസ്സ് വരെയില്ല, ഇനി 40 വയസ്സ് വരെ മാത്രം. ട്രാൻസ്പോർട്ട് വാഹന ലൈസൻസ് കാലാവധി 3 വർഷമായിരുന്നത് 5 വർഷമാക്കി മാറ്റിയിരിക്കുകയാണ്.

ഹെല്‍മറ്റ് വയ്‍ക്കാത്തതിന്റെ പേരില്‍ രാജ്യത്ത് കഴിഞ്ഞവര്‍ഷം മരിച്ചത് നാല്‍പതിനായിരം പേരാണ്. കേരളത്തില്‍ മാത്രം ആയിരത്തി ഒരുന്നൂറ് പേര്‍ ഹെല്‍മറ്റ് ഇല്ലാതെ മരണക്കുഴിയിലേക്ക് വീണു. സീറ്റ് ബെല്‍റ്റ് ഇടാത്തതിന്റെ പേരില്‍ കഴിഞ്ഞവര്‍ഷം മാത്രം 24,000 േപരുടെ ജീവനാണ് നഷ്ടമായതെന്നും കേന്ദ്രസര്‍ക്കാരിന്റെ കണക്കുകള്‍ പറയുന്നു. ഇത് ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കര്‍ കേരളത്തിലെത്തിയപ്പോള്‍ നല്‍കിയ ഉപദേശമാണ്. പിന്‍സീറ്റില്‍ യാത്ര ചെയ്യുന്നവരോട് ഹെല്‍മറ്റ് ധരിക്കണമെന്നാണ് മാസ്റ്റര്‍ ബ്ളാസ്റ്റര്‍ ആവശ്യപ്പെടുന്നത്. ശരിയാണ്. ഒരു ഹെല്‍മറ്റ് ധരിച്ചിരുന്നെങ്കില്‍ കഴിഞ്ഞവര്‍ഷം രാജ്യത്ത് രക്ഷിക്കാമായിരുന്നത് 43614പേരുടെ ജീവനാണെന്നാണ് കേന്ദ്ര ഉപരിതലഗതാഗത മന്ത്രാലയത്തിന്റെ റിപ്പോര്‍ട്ട് പറയുന്നത്. ആഴത്തില്‍ പരിശോധിച്ചാല്‍ ഇതില്‍ 28250 പേര്‍ വാഹനം ഓടിച്ചിരുന്നവരും 15364പേര്‍ പിന്‍സീറ്റ് യാത്രക്കാരുമായിരുന്നു. രാജ്യത്താകെ നടന്ന 28ശതമാനം അപകടമരണവും ഹെല്‍മറ്റ് ഇല്ലാത്തതിന്റെ പേരിലുണ്ടായതാണ്. 2017ല്‍ ഹെല്‍മറ്റില്ലാതെയുള്ള മരണം 35975 ആയിരുന്നു. സംസ്ഥാനത്ത് കഴിഞ്ഞവര്‍ഷം റോഡ് അപകടങ്ങളില്‍ മരിച്ചത് 4303പേര്‍. അതില്‍ 2321 ഉം ബൈക്ക് അപകടങ്ങളില്‍ ജീവന്‍ നഷ്ടപ്പെട്ടവരാണ്. 1121 പേര്‍ ഹെല്‍മറ്റ് വയ്‍ക്കാത്തതിന്റെ പേരില്‍ മരണക്കുഴിയിലേക്ക് വീണവര്‍. ഇതില്‍ വണ്ടിയോടിച്ചവര്‍ 612 പേരും പിന്‍സീറ്റ് യാത്രക്കാര്‍ 509പേരും. അതേസമയം, സീറ്റ് ബെല്‍റ്റ് ഇടാത്തതിന്റെ പേരില്‍ രാജ്യത്ത് കഴിഞ്ഞവര്‍ഷം 24435 പേര്‍ മരിച്ചെന്നാണ് കണക്ക്. കേരളത്തില്‍ സീറ്റ് ബെല്‍റ്റ് ഇടാതെ മരണത്തിലേക്ക് നടന്നവര്‍ 215 ആണ്. അതുകൊണ്ട് തന്നെ ഹെല്മറ്റ് ഉപയോഗം നിര്ബന്ധമാക്കിയിരിക്കുകയാണ്.