ഏഴുവർഷത്തെ കടുത്ത പ്രണയത്തിനൊടുവിൽ കമുകിയെക്കാണാൻ സൗദി അറേബ്യയിൽ നിന്നെത്തി; മൂന്ന് ദിവസങ്ങൾക്ക് ശേഷം തിരിച്ചുപോകാൻ തുടങ്ങിയ യുവാവിനെ തടഞ്ഞതോടെ കെ.എസ്.ആർ. റെയിൽവേ സ്റ്റേഷനിൽ കോഴിക്കോട് സ്വദേശികളായ കമിതാക്കളുടെ വാക്കുതർക്കം; റെയിൽവേ പോലീസ് വൈറ്റ്ഫീൽഡ് പോലീസ് സ്റ്റേഷനിലെത്തിച്ചതോടെ നടന്നത് മറ്റൊരു ട്വിസ്റ്റ്
മലയാളി കമിതാക്കൾ തമ്മിലുണ്ടായ വഴക്ക് റെയിൽവേ പോലീസിനെ കുഴപ്പിച്ചു. കെ.എസ്.ആർ. റെയിൽവേ സ്റ്റേഷനിലാണ് കോഴിക്കോട് സ്വദേശികളായ യുവതിയും ആൺസൃഹൃത്തും തമ്മിൽ ചൊവ്വാഴ്ച വൈകീട്ടോടെ വഴക്കുണ്ടായത്. ഇതേത്തുടർന്ന് റെയിൽവേ പോലീസെത്തി ഇരുവരെയും രാത്രിതന്നെ വൈറ്റ്ഫീൽഡ് പോലീസ് സ്റ്റേഷനിലെത്തിച്ചു. പോലീസ് സ്റ്റേഷനിൽ രണ്ടുദിവസം മുമ്പ് യുവതിയെ കാണാതായതായി പരാതി ലഭിച്ചിരുന്നു.
വൈറ്റ്ഫീൽഡിലെ ആശുപത്രിയിൽ നഴ്സാണ് യുവതി. ആൺസുഹൃത്ത് സൗദി അറേബ്യയിൽ ജോലിചെയ്യുകയാണ്. ഇരുവരും ഏഴുവർഷമായി പ്രണയത്തിലായിരുന്നുവെന്ന് പോലീസ് പറഞ്ഞു. യുവതിയെ കാണാൻ സൗദി അറേബ്യയിൽ നിന്നെത്തിയതായിരുന്നു യുവാവ്. മൂന്നു ദിവസങ്ങൾക്കു ശേഷം തിരിച്ചുപോകാൻ തുടങ്ങിയപ്പോൾ യുവതി സമ്മതിച്ചില്ലെന്ന് യുവാവ് പോലീസിനോട് പറഞ്ഞു. റെയിൽവേ സ്റ്റേഷനിലെത്തി തിരിച്ചുപോകാൻ ആവശ്യപ്പെട്ടെങ്കിലും യുവതി സമ്മതിച്ചില്ലെന്നും കൂടെവരുമെന്ന് വാശിപിടിക്കുകയുമായിരുന്നു. ബന്ധുക്കളെത്തി യുവതിയെ വീട്ടിലേക്ക് കൊണ്ടുപോയി.
https://www.facebook.com/Malayalivartha