നീതി ഇങ്ങനെ ആയിരുന്നില്ല വേണ്ടത്; ഹൈദരാബാദില് വെറ്ററിനറി ഡോക്ടറെ ബലാത്സംഗം ചെയ്ത് കൊന്ന് കത്തിച്ച പ്രതികള് കൊല്ലപ്പെട്ട സംഭവത്തില് പ്രതികരണവുമായി മുന് ഹൈക്കോടതി ജഡ്ജി ജസ്റ്റിസ്കെമാല് പാഷ
ഹൈദരാബാദില് വെറ്ററിനറി ഡോക്ടറെ ബലാത്സംഗം ചെയ്ത് കൊന്ന് കത്തിച്ച പ്രതികള് കൊല്ലപ്പെട്ട സംഭവത്തില് പ്രതികരണവുമായി മുന് ഹൈക്കോടതി ജഡ്ജി ജസ്റ്റിസ്കെമാല് പാഷ രംഗത്ത്. നീതി ഇങ്ങനെ ആയിരുന്നില്ല വേണ്ടത് എന്ന് അദ്ദേഹം പ്രതികരിച്ചു. അതൊരു ഏറ്റുമുട്ടലാണ് എന്ന് വിശ്വസിക്കുന്നില്ലെന്നും അദ്ദേഹം പ്രതികരിച്ചു.
എല്ലാ മനുഷ്യരും ആഗ്രഹിക്കുന്ന ശിക്ഷ തന്നെയാണ് അവര്ക്ക് ലഭിച്ചത്. നിയമം അനുശാസിക്കുന്ന പരമാവധി ശിക്ഷ തന്നെയാണ് അവര്ക്ക് കിട്ടേണ്ടത്. എന്നാല് വിചാരണ ചെയ്ത് കുറ്റം തെളിഞ്ഞ ശേഷമാണ് അവരെ ശിക്ഷിക്കേണ്ടത്. പരമാവധി ശിക്ഷ വധശിക്ഷയാണ് എന്നും അദ്ദേഹം പറഞ്ഞു.
ഹൈദരാബാദില് തെലങ്കാന പോലീസ് ചെയ്തത് ജനങ്ങള് വൈകാരികമായി പ്രതികരിക്കുന്നതിന് തുല്യമായിപ്പോയെന്നും അദ്ദേഹം പറഞ്ഞു. പണ്ട് മേയര്ക്ക് വധശിക്ഷ വിധിക്കാന് നിയമമില്ലാത്തതിനാല് മെക്സിക്കോയില് ആ ആവശ്യമുന്നയിച്ച് ജനങ്ങള് തെരുവില് ഇറങ്ങിയിട്ടുണ്ടെന്നും അദ്ദേഹം പറഞ്ഞു. പലയിടത്തും നീതിന്യായ വ്യവസ്ഥ പരാജയപ്പെടുന്നത് നമ്മള് കാണുന്നുണ്ട്. ഇത്തരം പ്രതികള് നമ്മുടെ ചിലവില് ജയിലില് തടിച്ച് കൊഴുത്ത് കഴിയുന്നതില് പരാതിയുള്ള ആളാണ് ഞാന് എന്നും അദ്ദേഹം പറഞ്ഞു.
https://www.facebook.com/Malayalivartha