ഇത്രയും പ്രതീക്ഷിച്ചില്ല... ആനക്കൊമ്പ് കേസില് മോഹന്ലാലിന്റെ അപേക്ഷ മന്ത്രി തള്ളിയതോടെ നിയമനടപടി തുടരും; ആനക്കൊമ്പ് കേസ് ഉദ്യോഗസ്ഥര് കെട്ടിച്ചമച്ചതാണെന്നും അന്വേഷണം വേണമെന്നും ആവശ്യപ്പെട്ടുകൊണ്ടുള്ള മോഹന്ലാലിന്റെ പരാതി തള്ളി
മലയാളത്തിന്റെ പ്രിയതാരം മോഹന്ലാല് കടുത്ത നിരാശയിലാണ്. ആരുടേയോ ഉപദേശം കേട്ട് ആനക്കൊമ്പ് വീട്ടില് സൂക്ഷിച്ചതിന് കനത്ത വിലയാണ് മോഹന്ലാലിന് നല്കേണ്ടി വരുന്നത്. കേസില് ആരോ ഒറ്റി കൊടുത്തതാണെന്നും മോഹന്ലാല് വിശ്വസിക്കുന്നു. അതിനാല് തന്നെ ഒരന്വേണം വേണമെന്നാണ് മോഹന്ലാലിന്റെ വാദം. ആനക്കൊമ്പ് കേസ് തനിക്കെതിരേ ഉദ്യോഗസ്ഥര് കെട്ടിച്ചമച്ചതാണെന്നും ഇക്കാര്യത്തില് അന്വേഷണം വേണമെന്നും ആവശ്യപ്പെട്ട് മോഹന്ലാല് വനംമന്ത്രി കെ. രാജുവിന് അപേഷയും നല്കിയിരുന്നു. എന്നാല് മന്ത്രി അത് തള്ളിക്കളഞ്ഞതായാണ് റിപ്പോര്ട്ട്. മോഹന്ലാല് നിയമനടപടി നേരിടണമെന്നു മന്ത്രി ഫയലില് രേഖപ്പെടുത്തിയതായി സൂചനയുണ്ട്.
കേസില് മോഹന്ലാലിനുവേണ്ടി ചില ഉദ്യോഗസ്ഥര് അണിനിരന്നപ്പോള്, സ്വന്തം വകുപ്പിലെ ഉദ്യോഗസ്ഥരെ സംരക്ഷിക്കാന് മന്ത്രിക്കു നീണ്ട കുറിപ്പുതന്നെ എഴുതേണ്ടിവന്നു. ആനക്കൊമ്പ് കേസില് കൈവശാവകാശ സര്ട്ടിഫിക്കറ്റുണ്ടെങ്കിലും തന്നെ കുടുക്കാന് വനംവകുപ്പ് ഉദ്യോഗസ്ഥര് ഗൂഢാലോചന നടത്തിയെന്നായിരുന്നു മോഹന്ലാലിന്റെ പരാതി. എന്നാല്, ഈ സര്ട്ടിഫിക്കറ്റ് നിയമവിരുദ്ധമാണെന്നു മന്ത്രി ഫയലില് കുറിച്ചു. ക്രിമിനല് നടപടിച്ചട്ടം ഏതു പൗരനെപ്പോലെയും മോഹന്ലാലിനു ബാധകമാണ്.
വനംവകുപ്പ് നല്കിയതാണെങ്കിലും ആനക്കൊമ്പ് കൈവശം വയ്ക്കാനുള്ള സര്ട്ടിഫിക്കറ്റ് നിയമവിരുദ്ധമാണെന്ന വൈല്ഡ് ലൈഫ് വാര്ഡന്റെ റിപ്പോര്ട്ട് മന്ത്രി ശരിവച്ചു. അഭിഭാഷകന് മുഖേന മോഹന്ലാല് നല്കിയ കത്തിലെ എല്ലാ വാദങ്ങളും മന്ത്രി രാജു തള്ളി. കോടനാട് വനം റേഞ്ച് ഓഫീസറടക്കമുള്ളവര് തനിക്കെതിരേ കേസ് കെട്ടിച്ചമച്ചതിനെക്കുറിച്ച് അന്വേഷിക്കണമെന്നാവശ്യപ്പെട്ടാണു മോഹന്ലാല് സര്ക്കാരിനെ സമീപിച്ചത്.
ആനക്കൊമ്പ് സൂക്ഷിക്കാന് തനിക്കു വനംവകുപ്പുതന്നെ അനുമതി നല്കുകയും കോടതിയെ ഇക്കാര്യം ബോധിപ്പിക്കുകയും ചെയ്തശേഷവും പെരുമ്പാവൂര് കോടതിയില് ചില ഉദ്യോഗസ്ഥര് കുറ്റപത്രം നല്കിയതില് ഗൂഢാലോചനയുണ്ടെന്നായിരുന്നു മോഹന്ലാലിന്റെ ആരോപണം. കേസില് മോഹന്ലാലിനോടുനേരിട്ടു ഹാജരാകാന് പെരുമ്പാവൂര് മജിസ്ട്രേറ്റ് കോടതി നിര്ദ്ദേശിച്ചിട്ടുണ്ട്. അദ്ദേഹത്തിനുവേണ്ടി സുപ്രീംകോടതിയിലെ അഭിഭാഷകനാകും ഹാജരാവുക.
അനുമതിയില്ലാതെ ആനക്കൊമ്പ് സൂക്ഷിച്ചതിന് 2012 ലാണ് വനം വകുപ്പ് മോഹന്ലാലിനെ പ്രതിയാക്കി കേസെടുത്തത്. മോഹന്ലാലിനെ കൂടാതെ മറ്റു മൂന്നു പ്രതികള്ക്കു കൂടി കോടതി സമന്സ് അയച്ചിരുന്നു. മോഹന്ലാലിന് ആനക്കൊമ്പ് കൈവശം വയ്ക്കാന് മുഖ്യവനപാലകന് നല്കിയ അനുമതി റദ്ദാക്കണമെന്ന് ആവശ്യപ്പെട്ട് ആലുവ സ്വദേശി എ എ പൗലോസ് ഹൈക്കോടതിയെ സമീപിച്ചതിനെ തുടര്ന്നാണ് കുറ്റപത്രം സമര്പ്പിച്ചത്. ഈ കേസില് മോഹന്ലാല് അടക്കമുള്ള പ്രതികള്ക്കെതിരെ പരമാവധി അഞ്ചുവര്ഷം വരെ തടവു ശിക്ഷ ലഭിക്കാവുന്ന കുറ്റമാണ് ചുമത്തിയിട്ടുള്ളത്.
അനധികൃതമായി ആനക്കൊമ്പ് സൂക്ഷിച്ചതിന് വനം വകുപ്പ് മോഹന്ലാലിനെ പ്രതിയാക്കി കേസെടുത്തതോടെയാണ് ഇത് പുറംലോകമറിയുന്നത്. ആനക്കൊമ്പ് വീട്ടില് സൂക്ഷിക്കുന്നത് വന്യജീവി സംരക്ഷണ നിയമത്തിന്റെ പരിധിയില് വരില്ലെന്നായിരുന്നു വനം വകുപ്പിന്റെ നിലപാട്. ആ നിലപാടിലാണ് ഇപ്പോള് വകുപ്പ് മാറ്റം വരുത്തിയിരിക്കുന്നത്. നേരത്തെ, തിരുവഞ്ചൂര് രാധാകൃഷ്ണന് വനം വകുപ്പ് മന്ത്രിയായിരിക്കുമ്പോള് മോഹന്ലാലിന് ആനക്കൊമ്പുകള് വീട്ടില് സൂക്ഷിക്കാനുള്ള അനുമതി നല്കിയിരുന്നു. കൂടാതെ ആനക്കൊമ്പുകളുടെ ഉടമസ്ഥാവകാശവും നല്കിയിരുന്നു. എന്നാല് ഈ ആനുകൂല്യമാണ് ഇപ്പോള് ഇല്ലാതാകുന്നത്. മോഹന്ലാലിനെ പോലെയുള്ള മഹാനടന് കേസില് കുരുങ്ങുന്നത് ആരാധകരേയും വല്ലാതെ ബാധിക്കുന്നുണ്ട്.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha