സൂര്യ കൃഷ്ണമൂര്‍ത്തിക്ക് നാടിന്റെ അന്ത്യാഞ്ജലി. വൈകിട്ട് 6.45ന് തൈക്കാട് ശാന്തികവാടത്തില്‍ ഔദ്യോഗിക ബഹുമതികളോടെ നടന്ന സംസ്‌കാരച്ചടങ്ങില്‍ മരുമകന്‍ ചന്ദന്‍കുമാര്‍ ചിതയ്ക്ക് തീകൊളുത്തി. 11 ദിവസം നീണ്ടുനില്‍ക്കുന്ന സൂര്യ നൃത്ത, സംഗീതോത്സവത്തിലെ പരിപാടികള്‍ ആരംഭിക്കുന്ന സമയവും 6.45നായിരുന്നു. ബുധനാഴ്ച സൂര്യ കൃഷ്ണമൂര്‍ത്തി ഈ ലോകത്തോട് വിട പറഞ്ഞതും അതേ സമയത്താണ് എന്നതും മറ്റൊരു യാദൃശ്ചികത.

സൂര്യ കൃഷ്ണമൂര്‍ത്തിയുടെ കലാസപര്യയുടെ അടയാളമായ സൂര്യ ഗണേശത്തില്‍ ഇന്ന് രാവിലെ ഏഴുമുതല്‍ പൊതുദര്‍ശനത്തിന് വച്ച ഭൗതികദേഹത്തില്‍ സാമൂഹിക, രാഷ്ട്രീയ രംഗത്തെ പ്രമുഖര്‍ ആദരാഞ്ജലിയര്‍പ്പിച്ചു. മന്ത്രിമാരായ രമേശ് ചെന്നിത്തല, സി.പി.ജോണ്‍, സണ്ണിജോസഫ്, പ്രതിപക്ഷ നേതാവ് പിണറായി വിജയന്‍, സ്പീക്കര്‍ തിരുവഞ്ചൂര്‍ രാധാകൃഷ്ണന്‍, എം.പിമാരായ എ.എ.റഹീം, അടൂര്‍ പ്രകാശ്, ഷാഫി പറമ്പില്‍, എം.എല്‍.എമാരായ ജി.ആര്‍.അനില്‍, എം.വിന്‍സന്റ്, വി.മുരളീധരന്‍, കെ.എന്‍.ബാലഗോപാല്‍, വി.ജോയ്, മേയര്‍ വി.വി.രാജേഷ്, സി.പി.ഐ സംസ്ഥാന സെക്രട്ടറി ബിനോയ് വിശ്വം, സംവിധായകന്‍ അടൂര്‍ ഗോപാലകൃഷ്ണന്‍, പ്രഭാവര്‍മ്മ, മുരുകന്‍ കാട്ടാക്കട, ജോര്‍ജ്ജ് ഓണക്കൂര്‍, ടി.കെ.എ.നായര്‍, മുന്‍ ബിഷപ്പ് സൂസപാക്യം, നമ്പിനാരായണന്‍, നടിമാരായ നവ്യനായര്‍, ലക്ഷ്മി ഗോപാലസ്വാമി, ആശാശരത്, രചന നാരായണന്‍കുട്ടി, ജലജ, കാര്‍ത്തിക, ചിപ്പി, നടന്മാരായ നന്ദു, മണിയന്‍പിള്ള രാജു, അലന്‍സിയര്‍, മധുപാല്‍, കോണ്‍ഗ്രസ് നേതാവ് പാലോട് രവി, ചെറിയാന്‍ ഫിലിപ്പ്, കെ.എസ്.ശബരിനാഥന്‍, പന്തളം സുധാകരന്‍, എം.വിജയകുമാര്‍, വി.ശിവന്‍കുട്ടി, മുല്ലക്കര രത്‌നാകരന്‍, വി.എസ്.ശിവകുമാര്‍, സംവിധായകന്‍ ജയരാജ്, രാജസേനന്‍, നിര്‍മ്മാതാവ് സുരേഷ് കുമാര്‍, ചിത്രകാരന്മാരായ കാട്ടൂര്‍ നാരായണപിള്ള, കാരയ്ക്കാമണ്ഡപം വിജയകുമാര്‍, എസ്.എന്‍.രഘുചന്ദ്രന്‍ നായര്‍, മുന്‍ കളക്ടര്‍ ശ്രീനിവാസന്‍, ദിവ്യ എസ്.അയ്യര്‍, കെ.വാസുകി, കെ.ഓമനക്കുട്ടി, ജി.വേണു തുടങ്ങിയവര്‍ അന്ത്യോപചാരം അര്‍പ്പിച്ചു.