ഫാന് തീപിടിച്ച് കിടക്കയിലേക്ക് ഉരുകിവീണ് അഞ്ചുമാസം പ്രായമുള്ള കുഞ്ഞ് പൊള്ളലേറ്റ് മരിച്ചു
മലപ്പുറത്ത് ഷോര്ട്ട് സര്ക്യൂട്ടിനെ തുടര്ന്ന് ഫാന് തീപിടിച്ച് കിടക്കയിലേക്ക് ഉരുകിവീണ് അഞ്ചുമാസം പ്രായമുള്ള കുഞ്ഞ് പൊള്ളലേറ്റ് മരിച്ചു. തിരുവാലി കുളക്കാട്ടിരിയിലാണ് ദാരുണമായ അപകടം ഉണ്ടായത്. എറാണകുളം കാലടി മഞ്ഞപ്ര സ്വദേശി പന്നികശേരി സജീവന്റെ മകള് ശ്രീഭദ്രയാണ് മരിച്ചത്. കഴിഞ്ഞ ദിവസം വൈകിട്ട് 4.15ഓടെയാണ് സംഭവം.
കുളക്കാട്ടില് ജ്യോതിഗിരി എസ്റ്റേറ്റിലെ ഫാമില് ജോലി ചെയ്യുകയാണ് സജീവും ഭാര്യയും. കുട്ടിയെ മുറിക്കുള്ളിലെ കട്ടിലില് ഉറക്കികിടത്തി മാതാപിതാക്കള് വീടിന് പുറത്ത് ഫാമില് ജോലി ചെയ്യുകയായിരുന്നു. ഈ സമയത്താണ് മുറിയിലെ വാള്ഫാനില് ഷോര്ട്ട് സര്ക്യൂട്ടിനെ തുടര്ന്ന് തീപിടിക്കുന്നത്. തുടര്ന്ന് ഫാന് കത്തിയമര്ന്ന് താഴെ കുട്ടി കിടക്കുകയായിരുന്ന ബെഡിലേക്ക് ഉരുകി വീഴുകയായിരുന്നു.
വീട്ടില് നിന്ന് പുക ഉയരുന്നത് കണ്ട് ഓടിയെത്തിയ മാതാപിതാക്കള് തീപിടിച്ച നിലയിലുള്ള കിടക്കയാണ് കണ്ടത്. ഉടന് തന്നെ കുട്ടിയെ മഞ്ചേരി ഗവ. മെഡിക്കല് കോളേജ് ആശുപത്രിയില് എത്തിച്ചെങ്കിലും രക്ഷിക്കാനായില്ല. എടവണ്ണ പൊലീസ് സംഭവത്തില് മേല്നടപടികള് സ്വീകരിച്ചു.
https://www.facebook.com/Malayalivartha
