മൃഗശാല മാറ്റ ചര്ച്ചയ്ക്കിടെ വീണ്ടും പ്രസ്താവനയുമായി മുഖ്യമന്ത്രി
തിരുവനന്തപുരം മൃഗശാല മാറ്റം നടപ്പാക്കുന്നതില് വീണ്ടും പ്രസ്താവനയുമായി മുഖ്യമന്ത്രി വി ഡി സതീശന്. മൃഗശാലയ്ക്ക് പകരം അവിടെ മാഡിസണ് സ്ക്വയര് മാതൃക വരുമെന്ന് മുഖ്യമന്ത്രി അറിയിച്ചു. കൊച്ചിയില് കേരള ട്രാവല് മാര്ട്ട് ഉദ്ഘാടനം ലുലു ഇന്റര്നാഷണല് കണ്വെന്ഷന് സെന്ററില് നിര്വഹിക്കവെയാണ് മുഖ്യമന്ത്രി ഇങ്ങനെ പ്രസ്താവിച്ചത്.
മൃഗശാല മാറ്റം ചര്ച്ചയായത് മുന്പ് മുഖ്യമന്ത്രി നടത്തിയ പ്രസ്താവനയ്ക്ക് പിന്നാലെയായിരുന്നു. ഇതിനെ അനുകൂലിച്ച് തിരുവനന്തപുരം മേയര് വി വി രാജേഷ് പ്രസ്താവന നടത്തിയിരുന്നു. കാലാവസ്ഥാ മാറ്റം മൃഗശാലയിലെ മൃഗങ്ങള്ക്ക് വലിയ വെല്ലുവിളി ഉയര്ത്തുന്നതായും നിരവധി മൃഗങ്ങള് ചത്തുപോകുന്നതായും മുന്പുണ്ടായിരുന്ന പല മൃഗങ്ങളെയും ഇപ്പോള് മൃഗശാലയില് കാണുന്നില്ലെന്നും മേയര് പറഞ്ഞിരുന്നു. വന്യമൃഗങ്ങളുടെ സ്വാഭാവിക ആവാസ വ്യവസ്ഥയ്ക്ക് അനുയോജ്യമായ ഉള്പ്രദേശത്തേക്ക് മൃഗശാല മാറ്റണമെന്നാണ് അദ്ദേഹം അഭിപ്രായപ്പെട്ടത്.
എന്നാല് മൃഗശാലാ മാറ്റത്തെ പ്രതിപക്ഷമായ സിപിഎം ശക്തമായി എതിര്ക്കുന്നുണ്ട്. വാണിജ്യലക്ഷ്യം മുന്നില്കണ്ടാണ് മുഖ്യമന്ത്രിയുടെ നീക്കമെന്ന് മുന് എംഎല്എ വി കെ പ്രശാന്ത് ആരോപിച്ചു. മൃഗശാല ഭൂമി മുതലാളിമാര്ക്ക് മറിച്ചുവില്ക്കാനാണ് നീക്കമെന്നും 167 വര്ഷം പഴക്കമുള്ള മൃഗശാല നഗരത്തിന്റെ സാംസ്കാരിക പൈതൃകത്തിന്റെ ഭാഗമാണെന്നും അദ്ദേഹം പറഞ്ഞിരുന്നു.
https://www.facebook.com/Malayalivartha
