സംസ്ഥാന ഭിന്നശേഷി അവാര്ഡ് നിശ 'സമര്പ്പണം 2019' വ്യാഴാഴ്ച തലസ്ഥാനത്ത്
ലോക ഭിന്നശേഷി ദിനാഘോഷത്തിന്റെ ഭാഗമായി 2019ലെ മികച്ച പ്രവര്ത്തനങ്ങള് നടത്തിയ ഭിന്നശേഷിക്കാര്ക്കുള്ള സംസ്ഥാന അവാര്ഡുകള് വിതരണം ചെയ്യുന്ന സംസ്ഥാന ഭിന്നശേഷി അവാര്ഡ് നിശ 'സമര്പ്പണം 2019' ഡിസംബര് 12-ാം തീയതി വ്യാഴാഴ്ച 6.30ന് ജിമ്മി ജോര്ജ് ഇന്ഡോര് സ്റ്റേഡിയത്തില് വച്ച് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ദേശീയ ഭിന്നശേഷി അവാര്ഡ് സംസ്ഥാനത്തിന് സമര്പ്പിക്കല്, സംസ്ഥാന ഭിന്നശേഷി അവാര്ഡ് വിതരണം, മികച്ച പ്രവര്ത്തനങ്ങള് കാഴ്ചവച്ച എല്.എല്.സി.യ്ക്കുള്ള ആദരം, ശുഭയാത്ര ട്രൈ സ്കൂട്ടര് വിതരണം എന്നിവ മുഖ്യമന്ത്രി നിര്വഹിക്കും.
ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര് ചടങ്ങില് അധ്യക്ഷത വഹിക്കും. വിജയാമൃതം, സഹചാരി പദ്ധതികളുടെ വിതരണ ഉദ്ഘാടനവും ഐ.ഇ.സി.കളുടെ പ്രകാശനവും ടെലി റീഹാബ് യൂണിറ്റ് സമാരംഭവും പൊതുവിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് നിര്വഹിക്കും. മേയര്, എം.പി., എംഎല്.എ., മറ്റു ജനപ്രതിനിധികളും വിശിഷ്ട വ്യക്തികളും പങ്കെടുക്കും
ഭിന്നശേഷി ജീവനക്കാര്/കൂടുതല് ഭിന്നശേഷിക്കാര്ക്ക് ജോലി നല്കുന്ന തൊഴില്ദായകര്, ഭിന്നശേഷിക്കാരുടെ ക്ഷേമ രംഗത്ത് പ്രവര്ത്തിക്കുന്ന സ്ഥാപനങ്ങള് എന്നിവര്ക്കുള്ള സംസ്ഥാന അവാര്ഡാണ് മുഖ്യമന്ത്രി സമ്മാനിക്കുന്നത്.
2019ലെ ഭിന്നശേഷി ശാക്തീകരണ പ്രവര്ത്തനങ്ങളില് ഏറ്റവും മികച്ച സംസ്ഥാനത്തിനുള്ള ദേശീയ പുരസ്കാരമാണ് കേരളം കൈവരിച്ചത്. കേരളത്തില് നിന്നും വിവിധ കാറ്റഗറികളിലായി വ്യക്തികള്ക്കും സ്ഥാപനങ്ങള്ക്കും ഇതിന് മുമ്പ് അവാര്ഡുകള് ലഭിച്ചിട്ടുണ്ടെങ്കിലും മികച്ച സംസ്ഥാനത്തിനുള്ള അവാര്ഡ് ആദ്യമായാണ് ലഭിച്ചത്. സമഗ്രവും ശാസ്ത്രീയവുമായ ജീവിതചക്ര സമീപനത്തിലൂടെ അംഗപരിമിതിയ്ക്ക് അതീതമായി ഭിന്നശേഷിക്കാരെ മുഖ്യധാരയിലേക്ക് എത്തിക്കുന്ന പ്രവര്ത്തനങ്ങള് കാഴ്ചവെച്ചതിനാണ് സംസ്ഥാനത്തിന് ദേശീയതലത്തില് ഒന്നാം സ്ഥാനം ലഭിച്ചിട്ടുള്ളത്. സമര്പ്പണം 2019 നോടനുബന്ധിച്ച് വൈകിട്ട് 4 മുതല് ഭിന്ന ശേഷിക്കാരുടെ വിവിധ കലാപരിപാടികളും അരങ്ങേറും.
https://www.facebook.com/Malayalivartha
